ندن سویله قارداش حسن ؛ گول کیمی سولوب رنگون #حسنیه_آذرین_خلخال

زبانحال حضرت زینب (س) در شهادت امام حسن (ع)
.
.
✍️ زبدة الاشعار ✍️
.
🆔: @nohe_torki
.
سبک: خداحافظ ای آنام باجی … سن آغلوسان من دوزنمورم … شیرین سوزوم آیدین اولدوزوم …
.
.
ودود آذرین خلخال
.
.
ندن سویله قارداش حسن ؛ گول کیمی سولوب رنگون
باجون زینب قلبینی بیله ؛ یاندیرور غم آهنگون
گوزون یوموبسان بودهریدن ؛ قاندی گوزیاشیم ایوای
توکولدی تشته جگرلرون ؛ غملی قارداشیم ایوای
مهربان حسن ایوای
باغریقان حسن ایوای
.
.
.
.
.
.
گیجه گوندوز قان اولوب اورگ ؛ زحمتون اولوب زایل
سالوبلا باشون بلالره ؛ اهل کینه و باطل
ویروب سنه زهری کوزه دن ؛ جعده ی جفا گستر
ایوینده حتی غریبیدون ؛ محرمون اولوب قاتل
گوزون یوموبسان بودهریدن ؛ قاندی گوزیاشیم ایوای
توکولدی تشته جگرلرون ؛ غملی قارداشیم ایوای
مهربان حسن ایوای
باغریقان حسن ایوای
.
.
.
.
.
.
ایشیتشه بو محنتی حسین ؛ سینه داغلیوب آغلار
توکر قانیاش گل عذارینه ؛ قلب عالمی داغلار
بو حالدا قارداش دوزر مگر ؛ قارداشین گوره دلخون
مصیبتدن قان اولار دریا ؛ سو اولار بوتون داغلار
گوزون یوموبسان بودهریدن ؛ قاندی گوزیاشیم ایوای
توکولدی تشته جگرلرون ؛ غملی قارداشیم ایوای
مهربان حسن ایوای
باغریقان حسن ایوای
.
.
.
.
.
.
غریب و بیکس سن آی قارداش ؛ یوخدی سنله هم پیمان
دوشوبسن بیر درده واللهی ؛ یوخدی دردوه درمان
باجون زینب هر غمه دوزسه ؛ بو غمونده دای دوزمز
ستمله تابوتون اوخلالا ؛ دشمنان بی ایمان
گوزون یوموبسان بودهریدن ؛ قاندی گوزیاشیم ایوای
توکولدی تشته جگرلرون ؛ غملی قارداشیم ایوای
مهربان حسن ایوای
باغریقان حسن ایوای
.
.
.
#سبک_خداحافظ_ای_آنام_باجی
#سبک_شیرین_سوزوم_آیدین_اولدوزوم
#سبک_عم_اوغلی_چوخ_گل_سارالار
مشابه ⬇️⬇️
.
.
#حسنیه_شهادت
#ندن_سویله_قارداش_حسن
#آذرین_خلخال
#ترکی
.
✍️ #زبدةالاشعار ✍️
.
🆔: @nohe_torki