ندن ماه ضیافتده دل عالم پریشاندی #حیدریه_فانی_تبریزی

در شهادت حضرت امیرالمومنین علیه السلام
.
.
.
فانی تبریزی
.
.
ندن ماه ضیافتده دل عالم پریشاندی
تمام کاینات آغلور بوتون ذرّات نالاندی
.
بو ایامی که عزّتده اولوبدور بهترین ایام
ضیافتخانة حقده هامی شوقیله مهماندی
.
نولوبدور عرش و کرسی و فلک لر جمله قان آغلور
بوتون عالم باتوب یاسه ملک لر دیده گریاندی
.
«مرادی» پیرو نفس اولدی بیر ظلم ایلدی ای وای!
دوشوبدور عالمه لرزه دل کون و مکان یاندی
.
باشون تا قوزیوبدور شاه مردان سجدگاهیدن
ویروب بیر تیغ زهرآگین، اوکی نامرد دوراندی
.
جمال الّه باتوب قانه اولوب شقّ القمر پیدا
گونون وقت طلوعنده شفق سرّی نمایاندی
.
اولوب نقش زمین محراب ایچینده آیت رحمان
و یا شیرازه دن چخموش هامی آیات قرآندی
.
باتوب محرابیده قانه وصی مصطفی یارب
یانوب دل غصّه و غمدن که فصل وصل، هجراندی
.
فضانی دولدوروب «فُزت و ربّ الکعبه» آواسی
که یعنی عاشق حقّه شهادت اوج احساندی
.
قلیج لار شیر یزدانی اوکس کی نفسه تابع دی
دوشونمز قدر انسانی اوکی پابند شیطاندی
.
قوتار «فانی» باشا گلمز ظلوم قوم بدکردار
دانیش لطف ولایتدن که عشقه یاخشی عنواندی
.
.
#حیدریه_شهادت
#ندن_ماه_ضیافتده_دل_عالم_پریشاندی
#ترکی #حیدریه #فانی_تبریزی
#زبدةالاشعار