نه اولار چیره اولا گون قوتولا ظلمت و تار #عدلی_تبریزی

نه اولار
.
✍️زبدة الاشعار✍️
.
🆔: @nohe_torki
.
حاج اصغر فرشچی ( عدلی تبریزی)
.
نه اولار چیره اولا گون قوتولا ظلمت و تار
گلشن مهر و محبّت گل آچا اولمیه خار
.
نه اولار ابر شرفدن سو ایچه ریشه عدل
عدل اولا دیوان اولا حق اولا دیوانه سوار
.
نه اولار مهر و وفا حاکم اولا اؤلکمیزه
حاکمین حکمی چکه مفسدی تا چوبۀ دار
.
نه اولار نور عدالت یاییلا یر یوزنه
گجه آی روشن ایده گوندوزی گون اولمیه تار
.
نه اولار خشک اولا بو ریشه بد بختی و فقر
یره باش تیکمییه هر یرده ندار اولمیه خوار
.
نه اولار وار گله تقسیم اولا انصاف اولونا
نه که وارلیق مینه انسانی اولا کولۀ بار
.
نه اولار کهنه رسومات گیده نو رسم گله
اختشاش سالمیه بلکه یخیلا کهنه حصار
.
نه اولار دنیا گوره حق طلبی حقه چاتوب
حق سوزون قیمتی واردی اونی بولموله شعار
.
نه اولار بو وطن اولادینه شادلیق یارانا
امّت احمده عزّت تاپولا اولمیه زار
.
نه اولار سهم عدالت چاتا مخلوق الینه
منحصر اولمیه بیرعده اولا مست وخمار
.
نه اولار (عدلی) گوره مهدی زهرا بالاسین
ذولفقار الده گلور عیسی مریم او نا یار
.
.
#پندیات
#نه_اولار_چیره_اولا_گون_قوتولا_ظلمت_و_تار
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki