زبانحال حضرت زینب (س) در شهادت مادر
.
#سبک_بالام_آغلاما_گلوم_آغلاما ( 7 سبک برای سینه زنی و زنجیر ) … دولانور علی قیزی مقتلی … باجی دور گئداخ …
.
سعید حضرتی (هاتف)
.
.
نه چتیندی بستره گر دوشه
یارالی یارالی جوان آنا
توخونوبدی ظلمیله صحنیده
ائله بیر بهاره خزان آنا
.
.
آنانین ایاقینی عشقیله
دوشوب حسرتیله اوپر قیزی
بونا خاطر حسرت آناسینین
کی گلینیغیندا چکر قیزی
هامیدان چوخ ئولسه اگر آنا
غم بی شماره دوشر قیزی
یانیب آه و دادیله گیزلیجه
یوزه ائیلر اشکی روان آنا
.
.
دانیشاخ آنا بالا دردیده ن
ده منه اورکده نه وار سوزون
گئزیشیر الون منی آختاریر
دانیشاندا گورمور آنا گوزون
نه نیازی شانه بو تئللره
بئله سالما زحمته اوز اوزون
الی شیل اولا بئله حالته
الیوی بو درده سالان آنا
.
.
سنیله گئدیب آلان حقیوی
الی بوش سنیله گلن یانیر
ندی ماجرا آنا بیلمیرم
نه جفا اولوبدی گوره ن یانیر
نئچه گوندی گل کیمی هی سولور
اسور ال ایاقی حسن یانیر
ولی دیل دوداق آرا هی دئیور
جان الی یوزونده قالان آنا
.
.
ائله گل کیمی بو نئچه گونی
سارالیب غمونده بو نور عین
سیخیلیبدی گوشه خلوته
کسیلیبدی دیلده کی شور و شین
آنا سن یاتان دمی گیزلیجه
اوپور ال ایاقیوی هی حسین
ایاقون اوپن دمی چوخ یانیر
وار اورکده نه سر نهان آنا
.
.
نه دئیور نه اوخشوری بیلمیرم
دل ماسواسینی یاندیریر
دل ماسواسینی جدینی
آتاسی آناسینی یاندیریر
نه دئیور حسین نه بلالی چول
نه اولوب نواسینی یاندیریر
نه باشی نه کوینگی نه کولی
نه گوزونده لخته لی قان آنا؟
.
.
نه دئیور حسین ندی ماجرا
منی یاندیریر آنا گل دیله
بو نه سوزدی سویله هاچان دوشر
هارا هانچی غصه لی قافله؟
هارا میهماندی حسین هاچان
گئدجاق تنوریلی منزیله؟
سن حسینیمین جان سن دئنه ن
بو نه اوتدی اوتدا یانان آنا
.
.
بودی”هاتفین”غمی قلبیده
کی سوز اهلی دردینی بیلمیه
گوزونون یاشین توکه عارضه
ولی هئچ کس اشکینی سیلمیه
چکیر انتظار نگارینی
وای او گون که دادینه گلمیه
گرک اوندا ائیلیه شکوه سین
اوز اوزیندن اوندا نهان آنا
.
.
.
.
#فاطمیه_شهادت
#نه_چتیندی_بستره_گر_دوشه
#حضرتی_هاتف
#ترکی
.
✍️ #زبدةالاشعار ✍️
.
🆔: @nohe_torki
نظر دهید