زبدةالاشعار

نه گوزل یا رب عبادتگاه دور زندان منه #کاظمیه_ذوقی_تبریزی

زبانحال حضرت موسی بن جعفر(ع) در زندان هارون
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم ذوقی تبریزی
.
نه گوزل یا رب عبادتگاه دور زندان منه
هر بلا زنداندا گلسه راضیم هر آن منه
.
.
شِکوه هرگز ائتمرم یوز وئرسه گر یوز مین بلا
ایلمز اصلاً بلایادن گِله اهل ولا
اولیا تک تک اولوبلار هر بلایه مبتلا
صبر قیلّام منده هر غم وئرسه بو دوران منه
.
.
ای خدا هر ناامیدین سن امیدگاهی سن
خالق کون و مکان ارض و سما اللهی سن
سن ئوزون ما فی الضّمیر عالمین آگاهی سن
نقشه لر طرح ایلوری هارون بی ایمان منه
.
.
بیر غریبی که قالا زنداندا اون بیر ایل تمام
نه چکر اهل و عیالی اول غریبون صبح و شام
قزلاریم آغلار قالوبدور ای خدای لاینام
فکر وصلیله چتیندور محنت هجران منه
.
.
بیر کسیم یوخ تا گلوب احوالیمی ائتسون سئوال
گورسه بو حال پریشانی اولار پژمرده حال
حالیمه حالی ئوزون سن ای خدای لایزال
منزل و مأواسی اولدی عمریمون زندان منه
.
.
مرغ بی بال و پرم یارب گیدوب مندن هوس
دوشموشم بیر دامه زندان دور منه کنج قفس
حالیمه یوخ بیر یانان نه همزبان نه هم نفس
نه اذیّتدن امان وار ای خدا بیر آن منه
.
.
کنج غربتده منی رنجور ایدوب فکر وطن
خاطر ناشادیمی مملوّ ایدوب درد و محن
بیر نفر یوخدور منه وئرسون خبر معصومه دن
ایمدی یول گوزلور وطنده چوخ ایدور افغان منه
.
.
ای ایدن ظالم لره دنیا و عقباده قصاص
حال مظلومه ایدن لطفین جزاده اختصاص
محبس هاروندن ایله بو مظلومی خلاص
آختارور قتلیمده هارون دم به دم عنوان منه
.
.
هر قدر ہو ظالم و بی دین منه وئرسه فشار
ائتمرم هرگز شکایت ای خدای کردگار
حیله و تزویری اما قلبیمه سالموش شرار
ظاهراً رفتاری خوش ایلر جفا پنهان منه
.
.
اگرچه ظاهرده ایشیتمور ناله و فریادیمی
باطناً نار غمیله یاندیرور اکبادیمی
آل بو ظالمدن منیم ده دادخواهیم دادیمی
تنگ ایدوبدر عرصه نی بو خانه سی ویران منه
.
.
باخبر سن ، سن ئوزون ای ذوالجلال بی نیاز
چوخ سووردوم من سنیله ائتماقا راز و نیاز
نه قویار سندِ ستمگر ایلیم ابراز راز
نه وئرور بیر دم امان بو دیدۂ گریان منه
.
.
الأمان ای حیّ داور سِند الیندن الأمان
قتلیمه مأمور اولوب بو بی حیای جانستان
وئردی بیر زهر جفا مندن آلوب تاب و توان
آغلاسا ذی حقّدور «ذوقیله» شیعه قان منه
.
.
#کاظمیه_شهادت
#نه_گوزل_یا_رب_عبادتگاه_دور_زندان_منه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یخیلمیشام یره آتدان یارالیم باباجان #اکبریه_حافظی_تبریزی #نجمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی