یا مهدی
.
✍️ #زبدةالاشعار ✍️
.
🆔: @nohe_torki
.
خوشنواز مرندی
.
نگاه چشمیوه عالم گدادی یا مهدی
جمالون آیۀ نور خدادی یا مهدی
.
شکوه وعزّتیوین سایه سینده ماخلقین
نظام و قاعده سی پا به جادی یا مهدی
.
گزنده گلشنی گل مست اولار شمیمیندن
که قلب عاشقه عطرون صفا دی یا مهدی
.
طبیب عشقیسن آقامریضم عشقونده
که درد عشقیوه دل مبتلادی یا مهدی
.
وصاله چاتسام اگرمن قدملرون اوپرم
که درده عطر قدومین دوادی یا مهدی
.
سنون اشارویلن صبح گون طلوع ایلور
وجودین اولماسا عالم فنادی یا مهدی
.
جمال یوسفه رخسارون ایتمرم تشبیه
قیاس یوسفیلن سن جفادی یا مهدی
.
که حسن یوسفه مصر اهلی تکجه عاشقیدی
سنه ولی هامی عالم فدادی یا مهدی
.
که یوسفه گون آی اونبیر ستاره سجده ایدوب
سنه باشین اگن ارض وسمادی یا مهدی
.
حجاب غیبتی چکسن اگر جمالیندن
دوشه که سجدیه عالم سزادی یا مهدی
.
به جان فاطمه ایله نظر بو عشاقه
مگر نظاره بر عاشق خطادی یا مهدی
.
نظر ائله آقا بو خوش نواز دل خونه
دخیل اولوب قاپیوا بیر گدادی یا مهدی
.
.
#مهدیه_خوشنواز_مرندی
#نگاه_چشمیوه_عالم_گدادی_یامهدی
#ترکی #یامهدی
.
✍️ #زبدةالاشعار ✍️
.
🆔: @nohe_torki
نظر دهید