راه شام
زبان حال ام لیلی خطاب به رأس حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم سالک مرندی
.
نیزده اسدی صبا زلف سمن سایه علی
شامون اهلی توکولوب گلدی تماشایه علی
.
.
قطره قطره سر زلفونده علی قان دوزولوب
بو نه قاندی دیه سن شدّه ی مرجان دوزلوب
دور رویونده چو شیرازه ی قران دوزلوب
بو سبب دن سالوری گل یوزوه سایه علی
.
.
نیزه اوستونده باشون شامی چراغان ایلیور
لیلی مجنون کیمی دوشموش چوله افغان ایلیور
بیر به بیر طعنه منه فرقه ی عدوان ایلیور
یوخ دوامیم داخی بو محنت عظمایه علی
.
.
قوی صبا زلفون اوغول پرده ی رخسار ایله سون
دل لیلی کیمی بو روزی، شب تار ایله سون
نکته ی سوره ی والّلیلینی اظهار ایله سون
صبح و شامی بدل ایتسون شب یلدایه علی
.
.
لفظ کُن نونینون اَول نقطه سی خالوندور اوغول
آیه ی شمس ضحی وصف جمالوندور اوغول
چونکه جدّون بو شمایلده مثالوندور اوغول
بولر اول کس کی باخوب منظر طاهایه علی
.
.
انبیانی سنون احوالون علی یاده سالوب
گورموسن قوم نصاری باشون اطرافین آلوب
چون دیلّر کی مسیحا باشی دار اوسته قالوب
جسمی معراج ایلیوب اوج ثریایه علی
.
.
عارضون صفحه ی قرآندی خطون آیه ی نور
وارث حضرت موسی سن اوزون وادی طور
پرتو مهر روخون ائتدی تجلا و ظهور
بنزه دور قوم یهودی سنی موسایه علی
.
.
قاف تا قاف دوتوب شهرت وصف ادبون
بی بصیرتدی بو شام اهلی تانیمور نَسَبون
گر بو حالتده تلفظ ایلیه غنچه لبون
ویره جک نسبتوی حضرت یحیایه علی
.
.
گر چه ظاهرده باخولّار بو رخ یاسمنه
عاشق و واله اولولّار خط وجه الحسنه
گر بصیرتله بو ساعتده باخان اولسا سنه
وار یری طعنه ایده یوسفله زلیخایه علی
.
.
خلقت و خلقیده هم حسنده پیغمبریدون
نطق و حلمینده امام حسنه بنزریدون
سهم و صولت ده (شجاعتده) بابون حیدریدون
ثمر قلبیدین آخر شه بطحایه علی
.
.
یولووا گوز تیکوب اون سگیز ایل حسرتیلن
بسله میشدیم او باشون سینده چوخ زحمتیلن
بُلمه میشدیم که جدا اوسته قالور محنتیلن
شام شوم ایچره دوشر بیر بله غوغایه علی
.
.
یاندروب نیزده گون گل تک علی عارضوی
باشوون قانی آخوب دوتموش او شهلا گوزوی
زهره چاک اولدی آنان ای اوغول اَی بیر یوزوی
یوز یوزه قوی منیلن رحم ایله لیلایه علی
.
.
پیشوازیوه گلوب اهل جفا عزّتیلن
چالور اللرده دف و دایره نی شدّتیلن
نه روادور دولاناخ شهری بو جمعیّتیلن
گلمییدی بو آنان کاش بو دنیایه علی
.
.
علی سن سیز وطنه گتمم اورک قانه دونوب
گوزی یولدادی باجون فاطمه گل کیمی سولوب
منی گورجک دیه جک قارداشیما بس نه اولوب
هاردا قالدی نه دیوم فاطمه صغرایه علی
.
.
ماتمونده یغیلوب شیعه لرون سینه ویرار
سالکون قلبی یانار شعله چکر لیل و نهار
لطفله ایله شفاعت اونا سن روز قرار
وار اُمیدی سنه هم حضرت زهرایه علی
.
.
.
#راه_شام_سالک_مرندی
#اکبریه_اکبریه_شهادت
#نیزده_اسدی_صبا_زلف_سمن_سایه_علی
#ترکی
.
✍️ #زبدةالاشعار ✍️
.
🆔: @nohe_torki
نظر دهید