کوفه
.
✍️زبدة الاشعار✍️
.
🆔: @nohe_torki
.
مرحوم روفه گر
.
نیزده قارداش باشون اوز حقین اعلان ایلوری
عالی بیر عنوانیله تبلیغ قرآن ایلوری
.
.
لبلرون کهف آیه سین خوش لحنیله ایلور بیان
تا اولا اصل حقیقت خوش بیانیله عیان
ایلوری ارشاد دین، بلکه آیلسون کوفیان
بی دیانت ملته حقی نمایان ایلوری
.
.
کیم گوروب نوک جداده قانلو باش گلسون دیله؟
کیم گوروب بو طرزیله شه عارضی باتسون کوله؟
بیر بیله ظلمیله اصلاً ایتمسون بیر دم گله؟
معجزاتین، کوفه اهلین، گور نه حیران ایلوری
.
.
ای وجودی خلقت کونه اولان عمده دلیل
ظلم الیله دین یولوندا اولموسان عطشان قتیل
پرتو حسنون جدانی ایلیوب طوره بدیل
غبطه بو احوالوه موسی بن عمران ایلوری
.
.
ایلین داودی حیران ای حجازی نغمه سی
ای کفن پوش ایلین جسمین، چولون خار و خسی
ای اولان قانلی قوم اوستی، آخرین سجاده سی
سجده گه ظلمی، باجون حالین پریشان ایلوری
.
.
کوفه اهلی گور نه نوعی مندن ایلور پیشواز
بلموری من زینبم، دخت شهنشاه حجاز
قویموری باجیله قارداش ایلسون راز و نیاز
اشقیا ظلم و ستمده گور نه طغیان ایلوری
.
.
خاندان عصمتی بو فرقۀ بی ننگ و عار
ایلیوبلر بیر قطار عریان دوه اوسته سوار
اولموشوق سندنصورا بیز گور نجه بی اختیار
آل طاهایه ترحم قوم عدوان ایلوری
.
.
بی حیا امت بو فکریله آلوب بیزدن نقاب
تا اولا اشرار ایچینده خوار عبال بوتراب
بولموری زهرا شیم لر ایلمز کشف حجاب
قزلاورن گل یوزلرون زلف آتدا پنهان ایلوری
.
.
دین ایوین گوردوم یخور بو لشگر باطل پرست
آتشین گفتاریله کفر اهلنه ویردیم شکست
حق سوزوم اهل ضلالت قلبنه ایتدی نشست
بلدولر حقه کملیق حی سبحان ایلوری
.
.
کاسه صبریم حسین خولی جفاسیندن دولوب
پرده خاکستر آتدا گل یوزون مستور اولوب
جور اعدادن نجه گور فاطمه رنگی سولوب
فرقتون اول نازنینون باغرینی قان ایلوری
.
.
سن بولورسن ظلم الیندن زینبون ایتمز گله
دین یولوندا هر نه گلسه باشه ایلر حوصله
گر توانی گیتسه باشین وورسا چوب محمله
خانه صبرین تنورین ظلمی تالان ایلدی
.
.
وار نه علت خاکیله ممزوج اولوبدور گوز یاشون
نه یوزیله میزبانون مطبخه قویدی باشون
هاردا قالموشدی حسینیم بس وفالی قارداشون
تا گوریدی خولی، هاردا شاهی مهمان ایلوری
.
.
نیزه لر باشین نقدری گوزلریم سیر ایلوری
راس عباسی ندور باعث جداده گورموری
دردیمی سندن صورا بیر کیمسه قارداش بولموری
درد زینب دیده زهرانی گریان ایلوری
.
.
روفه گر عباس آدیله ختم قیل بو نوحه نی
تا قوتارسون حشریده نار جهنم دن سنی
اولسا دنیاده نصیبون گر مقدس مدفنی
سویله قبرون آرزوسی هر مسلمان ایلوری
.
.
#کوفه_روفه_گر
#نیزده_قارداش_باشون_اوز_حقین_اعلان_ایلوری
#ترکی
.
✍️ #زبدةالاشعار ✍️
.
🆔: @nohe_torki
نظر دهید