ورودکوفه
.
✍️ زبدة الاشعار ✍️
.
🆔: @nohe_torki
.
اکبرستاری(قیزیل قلم)
.
.
نیزه باشینده باشون گون کیمی تاباندی حسین
باجون ئولسون بونه حالت بونه عنواندی حسین
.
.
زینبون بو یارالی باشووه قربان گؤزون آچ
کؤرپه سربازووه قارداشووه قربان گؤزون آچ
صبرووه اجرووه پاداشووه قربان گؤزون آچ
اولمیا زینبی گؤزدن آتانا اوخشیوسان
یارالی کوللرون اوسته یاتانا اوخشیوسان
.
.
یوخ، سنی من تانیرام ای باشیمین تاجی حسین
اولمیشام کعبهٔ حسنونده سنین حاجی، حسین
زندگانلیق منه سنسیزاولاجاق آجی حسین
نیزه اوسته گؤرورم دیللننه اوخشیوسان
حیف اولا گوللری سولمیش چمنه اوخشیوسان
.
.
کوفه اهلی نئجه گؤر قلبیمی قان ائیله دیلر
یارالی باشووی داشلاره نشان ائیله دیلر
صبریمی الدن آلیب سلب توان ائیله دیلر
چاره سیز دردیمه درمان ائدنه اوخشیوسان
زینبین مشکلون آسان ائدنه اوخشیوسان
.
.
داش دگیب سجده گهوندن نئجه گؤرقان سوزولوب
نیزه نین دوره سینه شَتّهٔ مرجان دوزولوب
قولّاریم باغلیدی قارداش الیم الدن اوزولوب
ولی سن زینبووی شاد ائدنه اوخشیوسان
بو سینیق قلبیمه امداد ائدنه اوخشیوسان
.
.
آنّنووا داش وورانین کاش اورگی یانسین حسین
دودمانی داغیلیب قلبی اَلولانسین حسین
داشا دونسون اَلی، لَحم ورَگی اودلانسین حسین
من دعا ائیلسم آمین دیینه اوخشیوسان
زینبین مطلبینی ایستیینه اوخشیوسان
.
.
آنام اوغلی یارالی باشووه فرّاش اولارام
باشیمی محمله وورّام سنه یولداش اولارام
آلتی قارداشین اؤلوب من سنه قارداش اولارام
دیمه کی کوفه ده یالقیز قالانا اوخشیوسان
قوشونون یوخدو آدامسیز قالانا اوخشیوسان
.
.
نیزه اوستونده حسین باشلادی قرآن اوخودی
آیهٔ کهفی اودم یاره لی سلطان اوخودی
زینبین یاره لنن دردینه درمان اوخودی
قارداشین آلدی سسین دیلدن هوسلندی باجی
هوشیدن گئتدی،حسین آدینی سسلندی باجی
.
.
قورخولو قیزلار او دم زینبین اطرافین آلیب
دئدیلرعمه ندن رنگ عذارین سارالیب
گؤزون آچ کوفه نون اهلی دئمسینلرقوجالیب
بی بی سن مُنتقَمَه ، قان آلانا اوخشیوسان
ابنِ مرجانه نی تختدن سالان اوخشیوسان
.
.
کوفه بازاری دولوب کثرت جمعیئتیلن
تلسیر چوخلاری طعنه ویراضدیتیلن
خانمین دوره سین آلدی بالالارنییتیلن
یعنی عمه دیله گل نطقیده اعجازائله سن
یارالی باشی اوجانی ده سرافرازائله سن
.
.
دَمِ روحُ القُدس اولدی خانماعقده گشا
دیله گلدی یارالی عالمهٔ آلِ عبا
مرتضاتک سؤزون الحق،ائله دی حقین ادا
اولدوسرمشق بوتون نهضت آزاده لره
درس تنبیه وئریبدیراُموی زاده لره
.
.
کوفه اهلی اوتانین شرم ائدین اعمالیزدن
گؤرسنیرکفرونفاقیزبوتون اعمالیزدن
بیزی چوخ اینجیدیسیززهریلی اقوالیزدن
دینی بازیچهٔ دست ائیلیینه اوخشیوسیز
صالحین ناقه سینی پئیلیینه اوخشیوسیز
.
.
سؤنرا اوز دوتدوْ عبیداللها غیظیله تمام
چوخ شهامتله سؤزون باشلادی صدّیقه مرام
کوفه شهرینده علینین قیزی ائیلیبدی قیام
دئدی اسراری بوگون بیربه بیرافشاائدرم
من علینین قیزییام ظالمی رسوا ائدرم
.
.
یَابْنَ مرجانه غروراوسته دوروب اولماسَفیهْ
او زیادی دی آتان شهرت آلیب اِبْنِ اَبیْهْ
او آنان اهلِ رَدَهْ سن ده او ملعونه شَبیهْ
اُموی زاده لر هرزه علفه اوخشیوسیز
سیزلجنزاریده گندیده کفه اوخشیوسیز
.
.
بیزی فرض،ائیلییسن دستِ کمینینده اسیر؟
دخترفاطمه ییم اولسام اگر معرکه گیر
اسدالله دیر آتام ،من ده همان زادهٔ شیر
سیزولی قلبیمی اودلاندیرانا اوخشیوسیز
آنامین درگهینی یاندیرانا اوخشیوسیز
.
.
حزبِ شیطان سیز اوگون دام سیاست قوردوز
بیرسالین یادیزه هانسی قاپینی یاندیردیز
آنامین صورتینه سیلی نی ده سیز ووردیز
ثانینین ظلمینی تکرارائدنه اوخشیوسیز
حقّی ناحقیله انکارائدنه اوخشیوسیز
.
.
دئدی،بیرعدّه کی گویابوعلینین سسیدیر
کوفه ده داغلی اورکلراوسسین تشنه سیدیر
شقشقیّه سؤزودیریوخسااونون قصه سیدیر
ائشیدنلردئدیلرساقی کوثردانیشیر
منبراوستونده یئنه فاتح خیبردانشیر
.
.
ناگهان گؤردوله بو حق دانیشان زینبدیر
سؤزدانیشدیقجااورکدن آلیشان زینبدیر
قانادی باغلی هماتک چالیشان زینبدیر
دئدیلروای بیزه وای زینبه خوارائتدی زمان
زینبی کوفه ده چوخ درده دچارائتدی زمان
.
.
بیلدیلرقارداشی اللرده ئولن زینبدیر
یئددی قارداش داغی بیرگونده گؤرن زینبدیر
یاایشیقلی گونوزی شامه دؤنن زینبدیر
ولی بیلمیردیله زینب نئجه غم یورغونودی
قولاری باغیلیدی بو اهل ستم یورغونودی
.
.
سن ده«ستاری»خانم زینبه یازمدح وثنا
دخترشیرخداائیله سین حقونده دعا
نیتین خالص ائله محوائدراعمالی ریا
قلمین یازدیقیجازینبین اوصافین یاز
ایکی دنیاده گؤررسن گؤزل الطافین یاز
.
.
نیزه باشینده باشون گون کیمی تاباندی حسین
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید