هاشمی ماه ملک منظره عشق اولسون حسین #اکبریه_مصیبی_تبریزی

میلادیه حضرت علی اکبر علیه السلام
.
.
.
#سبک_شهریاریمسن_آقا … #سبک_یارالی_جان_یارالی … سنی زیبا یارادان داوره عشق اولسون حسین …
.
مصیبی_تبریزی
.
هاشمی ماه ِملک منظره عشق اولسون حسین
یاراشان ، طلعتی پیغمبره عشق اولسون حسین
اوندا زهرا بَگنن گوزلره عشق اولسون حسین
اکبره گل نوۀ حیدره عشق اولسون حسین
.
.
آلیشور آتش احساسیله خاور گوزلی
گوز وُرور برج ولایتده کی اختر گوزلی
کیمدی اکبر ؛ دئنه عالمده گوزللرگوزلی
رأ س عشّاقیده تاج سره عشق اولسون حسین
.
.
لاله نی نسترنی دَمخورِ یاس ایلمیون
بوتۀ عشقی اسیر سر داس ایلمیون
اکبری یوسف مصریله قیاس ایلمیون
بنزیین هرزادی پیغمبره عشق اولسون حسین
.
.
نه گوزل خلق ائلیوبدور گوزل آلله یوزونی
بنزدیبدور خود پیغمبره شهلا گوزونی
هر گوزل اکبره باخسا ایتیرر ئوز ئوزونی
دیئرآهوباخیش اول گوزلره عشق اولسون حسین
.
.
سینۀ لیلی مضطردن اموب اکبری شیر
شیر زاده کیم اولا حقاً اولار جوهری شیر
آنانین شیری ائدوب اشبه پیغمبری شیر
شیره بنزر یارانان پیکره عشق اولسون حسین
.
.
اکبری گور نه شجاعتده یارالدیب یارادان
تیغی شان شان ائلیر گر ایلیشه هر هارادان
طارقین هم ئوزی هم اوغلونی بولدی آرادان
قدرت شست ِعلی بنزره عشق اولسون حسین
.
.
کوفیان باخدیلا میداندا قوپان ولولیه
بولدیلر اکبر لیلادی گلوب رزم اِئلیَه
عُمَر ِ سعدیله شمرین باشینا کول ا لیَه
رزمگاهی چویورن محشره عشق اولسون حسین
.
.
اکبرین وجهی؛ «مصیّب» ! ئورگی ئویمازیدی
دگمه سین گوز اونا ، لیلا اونی تک قویمازیدی
او قدَر جدّینه بنزردی باخان دویمازیدی
عشقیلن یاز نوۀ حیدره عشق اولسون حسین
.
.
.
.
.
#اکبریه_میلادیه
#اکبریه_مدح
#هاشمی_ماه_ملک_منظره_عشق_اولسون_حسین
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki