زبانحال حضرت زینب(س) به امام حسین (ع)
در شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم زائر محمدی (زائر عمو)
.
هانی قارداشیم اخی بس نه گلوب قارداشیما
یوخسا عبّاسیم ئولوب کول توكولوبدور باشیما
.
.
دوتولوبسان بیله چون ابر بهار اوز أوزیوه
توکولور گوز یاشی باران کیمی گوزدن یوزیوه
زینبون جانی فدا قارداش او آغلار گوزیوه
یوخسا عبّاسیم ئولوب کول توكولوبدور باشیما
.
.
آغلاما گل من محزونی دولاندور باشوا
من فدا قارداش او گوزدن توکولن گوز یاشوا
منه آخر دئ گوروم بس نه گلوب قارداشوا
یوخسا عبّاسیم ئولوب کول توكولوبدور باشیما
.
.
او سولان رنگیوه قربان نیه رنگون سارالوب
نه گلوبدور سنه افلاكه فغانون اوجالوب
یوز ویربدور سنه نه غم که بیله صبرون آلوب
یوخسا عبّاسیم ئولوب کول توكولوبدور باشیما
.
.
گوز یاشون صفحۀ رخساره روان ایلمه چوخ
منی یاندیرما بیله آه و فغان ایلمه چوخ
پرده چکمه سوزووه باغریمی قان ایلمه چوخ
یوخسا عبّاسیم ئولوب کول توكولوبدور باشیما
.
.
باخورام حال دل افکاریوه چوخ برهم اولوب
نیه قلبون بیله پیچیدۀ درد و غم اولوب
نه گلوب سرو قدون غصّه و غمدن خم اولوب
یوخسا عبّاسیم ئولوب کول توكولوبدور باشیما
.
.
آغلیوب بیر بیله آغلاتما منی ایتمه فغان
قویما قارداش قالا چوخ زینبون آخر نگران
بیر دانش منله حسین درد دلون ایله بیان
یوخسا عبّاسیم ئولوب کول توكولوبدور باشیما
.
.
اولا قربان باجون اول دیدۂ گریانه حسین
قان اولان گوگلومی دوندرمه بیله قانه حسین
ویرما اود آهویله بو دل سوزانه حسین
یوخسا عبّاسیم ئولوب کول توكولوبدور باشیما
.
.
زائر عباس اتگین صدقیله دوت آغلا مدام
آغلاسا هر کیم ابوالفضله اولور دوزخ حرام
بیرده یاز حضرت زینب دیلیجه ایله تمام
یوخسا عبّاسیم ئولوب کول توكولوبدور باشیما
.
.
#عباسیه_زائر_تبریزی
#عباسیه_شهادت
#هانی_قارداشیم_اخی_بس_نه_گلوب_قارداشیما
#ترکی
.
✍️ #زبدةالاشعار ✍️
.
🆔: @nohe_torki
نظر دهید