زبانحال حضرت امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
ستار رزاقی تبریزی
.
هرایه گلمیشم آچ گوزلرین ای باوفا قارداش
مَنه اظهار ایله دَردین سَنه جانیم فدا قارداش
.
منیم ای سرسپاهیم،یاوریم،تشنه علمداریم
اویان سس ویر منه ای مظهر صدق وصفا قارداش
.
بیله قان ایچره یاتما دور اوتور منله دانیش بیرده
نه ظلم ایلوب سنه تاکی گوروم اهل جفا قارداش
.
بوسرو قدیوی هانسی شل اولموش تپراقا سالدی
منی قویدی کمکسیز ایتمدی شرم وحیا قارداش
.
ایله حاله سالوبدورجسمیوی بو لشگر کوفه
چتیندور دردیوه اولسون بوعالمده دوا قارداش
.
سالوب قولّاریوی اهل ستم بیرمشگ سو اوسته
دوشوبدور قولّارون یئرده قالوب قانلی لوا قارداش
.
ئوزون سو وعده سی ویرمیشدون اطفاله خیام ایچره
او دور گوزلور یولون اخیامیده آل عبا قارداش
.
تیکیبدور گوز یولا اَلان سوسوزلار آه و زاریله
خیامه دور گیداق تا ایتمه سون قیزلار بکا قارداش
.
سنه امّیدواریدی بو چولده عترت یاسین
سنیدون چون امید عترت شیرخدا قارداش
.
امید اهل بیتیم دوندی یاسَه ظلم وجوریله
ایشیق گوندوزلری شامه دونوب اولدی قرا قارداش
.
کمکلیق ایلیوم دور خیمه گاهه عزم ایداق باهم
منه تا وورماسین دل یاره سی قوم دغا قارداش
.
بیزی دست قضا چکدی گتیردی بو بیابانه
محلّ ابتلا اولدی بیزه کربوبلا قارداش
.
بوچولده دین حقّ اوستونده ائوزدون ال حیاتیندن
ره اسلامیده ائوز دِینیوی ایتدون اَدا قارداش
.
شهادت جامینی ایچدون ائوزون مقصودیوه چاتدون
ولی قویدون منی دشمنلر ایچره بی اخا قارداش
.
یقین آگاهسن اکبر غمی نیلوب منِ زاره
سنونده نار هجرونده یانام اولما رضا قارداش
.
چکوب اشرا کوفه سینَمه داغی داغ اوستوندن
ایدوبلر دار غربتده منی قلبی یارا قارداش
.
بو چولده سینه می دشمن ایدوب تیر غمه آماج
منه بو کربلا دشتین ایدوب ماتم سرا قارداش
.
اذّیت اولماسا آچ گوزلرون قارداشیوی دیندیر
اولا بلکه بیر آز بو رنج ومحنتدن رها قارداش
.
نجه دور گور غم وهجرونده گوز یاشیم دونوب قانه
یاخوندور آیریلا روحیم اولا تندن جدا قارداش
.
داخی گَلمیر دیزیم خیمه سرایه یول سالام بیرده
ائوزون دور دوت الیمدن ای منه مشکل گشا قارداش
.
بو صحرای غم افزاده منه امداد ایدن قالمور
آلوبدور دوره می دشمن سینوب یکسر قوا قارداش
.
فدای دین قرآن اولدی یکسر یار وانصاریم
اولوبلار عاشقانه عازم دار بقا قارداش
.
یتیردون عهدیوی باشه بوچولده سنده عشقیله
ره دین و ولایتده سوسوز اولدون فدا قارداش
.
سنه بو نوحه نی یازدیقجا «رزاقی» توکوب اشگین
اورَکده دردی وار علّت اودور ایلور نوا قارداش
.
بودور قلبینده کی عمده اولان مقصود و منظوری
کی بلکه اخذ ایده سندن برات کربلا قارداش
.
#عباسیه_شهادت
#هرایه_گلمیشم_آچ_گوزلرین_ای_باوفا_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید