زبانحال حضرت ابوالفضل العباس علیه السلام
.
.
.
مرحوم حاج محمد آقا فرقانی (محبی)
.
.
هر آن باشیما دوشسه اگر سایه رحمت
بو طایر روحیم گتورر بال سعادت
مین تاجدن افضلدی او بیر لطف و کرامت
باشیم اوجالوب عرشی گیچر پایه به پایه
فخر ایلرم ارواح آرا قارداش شهدایه
.
.
گورسم باشیم اوستنده اگر میر هُدانی
بال و پر آچوب سیر ایدرم عرش عُلانی
بام فلکه وورام او دم قانلی لوانی
ویرّم خبر ارواح قتیل ره عشقه
گلّوخ باشون آردینجا حسین بیزده دمشقه
.
.
عطشان بالالار ویردی سو مشکین منه شاها
ایتون منی سن عترت پیغمبره سقّا
بو منصب عالینی منه ایلدون اعطا
هر لحظه دیردیم که الهی پر آچیدیم
بو بیرق شاهی او فرات اوسته شاچیدیم
.
.
جانیمدن ال اوزدوم اولوب آماده مماته
یول سالدیم او یولدان که یتر نهر فراته
گویا که سکندر گیدوری آب حیاته
سو گتدیم اله گرچه سرور دلیم آرتدی
افسوس که پیکان جفا مشکی بوشاتدی
.
.
چگنیمده سو مشکی نظره مخیمی آلدیم
گوردوم یولی دشمنلر آلوب فکرده قالدی
بو فکریله منده یولی بیراهیه سالدیم
بلکه سوسوز اطفاله سویی تیز یتوریدیم
بیر عده یانان دل اله قارداش گتوریدیم
.
.
ایتمیشدیم اوزوم همتیمی مشکیمه وادار
سرعتله گلوردوم که قضا ایتدی گرفتار
وردی دالیدان بیر ستم آلوده جفاکار
دوشدی صاق الیم شکر ایلدیم ربّ جلیله
ایتدیم گنه من دینه حمایت صول الیله
.
.
گیچموب او قدر که صول الیمده قلم اولدی
سس دوشدی او دم با خبر اهل ستم اولدی
لشکر بیله بولدی که نگونسار علم اولدی
یوز ویردی جسارت او زمان قوم عناده
جرئتله هجوم آور اولوب آتلو پیاده
.
هیهات تاپیدی منه ال فرقه کافر
مشکل کسلیدی ید شیرانه حیدر
بری علته اوز قدرتین الده ویروب اللر
اطفالین عطش ناله سی ناگاه اوجالدی
سست اولدی قولوم طاقت و آرامیمی آلدی
.
.
.
#عباسیه_شهادت
#هر_آن_باشیما_دوشسه_اگر_سایه_رحمت
#فرقانی_محبی
#ترکی
#زبدةالاشعار
نظر دهید