سو …
محمد هوشمند
هر زمان گورسم گلیرموجه آخیر مستانه سو
آغلارام یانّام ویرار اود بو دل سوزانه سو
یاده عاشورانی سالدوقجا اولار دریا گوزوم
وار یئری دونسون گوزومده قطره قطره قانه سو
یاده سالّام عترت زهرانین عطشان لبلرین
دیل دوداقیم اودلانار گلدوقجا هر عنوانه سو
نه روا اوز باشینه صحرالره آخسین فرات
وئرمه سین اهل جفا بیر قطره ده مهمانه سو
سو مگر مهریه زهرا دییل آیا ندن
کربلاده اولدی اهلبیتینه بیگانه سو
آل طاها قالدی عطشان ایچدی سو اهل جفا
تا قیامت وار یئری گلسه اگر افغانه سو
باخدی سقا چشم حسرتله بوشالمیش مشگینه
تشنه سرداری سالیب دیر درد بی درمانه سو
الده نقد جان گلیب میدانه سقای حرم
بیلدی وئرمز یول کسنلر قیمت ارزانه سو
نهری آلدی مشکی دولدوردی سووا لب ورمادی
تا خجالتدن دونه بیر آتش سوزانه سو
ائیلدی سقانی شرمنده اوشاقلاردان عدو
اولمادی امکان گتیرسین تشنه لب طفلانه سو
قالدی سو جامی الینده تشنه قیزلار منتظر
دَلدی اوخ مشکی آخیب افسوس نخلستانه سو
یاندی سقا شرم اودوندا دوندی خجلتدن سوا
تا قالا عطشان همیشه اول لب عطشانه سو
اولمادی بیر کسده انصاف و مروّت تا دییه
قوخمیون دریا قوتولماز وئرسه بیر پیمانه سو
گون به گون آرتار آزالماز هیچ ربابین نیسگلی
یازسا شاعر لر نقدری دفتر و دیوانه سو
کیم سوسوز اولسا ویرللرسو اولار راحت، ولی
قان اولان قلبین ربابین دوندریب القانه سو
یاتدی قیزلار یاتمادی شام غریباندا رباب
زورق جسمین سالیب بیر سهملی طوفانه سو
اصغرین یاد ائیلدوقجا توکدی گوزیاشین دئدی
هارداسان قسمت اولوب سنسیز من نالانه سو
گل علی گل هارداسان اولسون آنان قربان سنه
وئرمه دی دشمن لر حتی سود امر قربانه سو
گون قباقینده قوتاردی عمرینی بیکس رباب
هر سو ایچدوقجا کانه اود سالیب دیر جانه سو
سو آدی گلدوقجا عطشان گوگلومی#مدهوش ائدیر
گوزلریم توکسون گرک دیر بو دل سوزانه سو
#فرات
#اصغریه_شهادت
#حضرت_رباب
#هر_زمان_گورسم_گلیرموجه_آخیر_مستانه_سو
#مدهوش_تبریزی
#ترکی
✍️ #زبدةالاشعار ✍️
?: @nohe_torki
نظر دهید