هر فرد بشر عاقل و هوشیار اولا بولمز

پندیات … العاقل یکفه الاشاره …
اشاره به عاشقان حقیقی حضرت اباعبدالله الحسین علیه السلام
.
✍️ زبدة الاشعار ✍️

?: @nohe_torki
.
حاج رسول امینی خوئی
.
هر فرد بشر عاقل و هوشیار اولا بولمز
هر عاقله ده بختی گلوب یار اولا بولمز
.
هر بیر قاپودا نوکر اولان رتبه تاپانماز
هر مدعی ده سایه لی سردار اولا بولمز
.
چوخلار آدینی دینچی حسینچی قویوب اما
مشکل قباقا گلسه طرفدار اولا بولمز
.
مینلرجه حسینچی یاری یولدان قیدوبلر
سنگ محکه گلمه سه معیار اولا بولمز
.
ثابت قدم ایستور بو حسینین قاپوسیندا
لغزنده بودرگاهه سزاوار اولا بولمز
.
بیر عده نین اگنینده قرا کوینگه باخما
شهرت یارادانلار دان عزادار اولا بولمز
.
معنا ده عزاداری گرک فاطمه سوسین
زهرا بگنن اولماسا غمخوار اولا بولمز
.
شمعین اودی پروانه نی یاندیر ماسا یاران
عشّاق دوشن درده گرفتار اولا بولمز
.
دوز عاشقی یانماخلیقاامر ایلسه معشوق
پروانه کیمی یانماسا انصار اولا بولمز
.
دهرین آناسی قز دوغا دنیا دولوسیجان
زینب کیمی بانوی مددکار اولار بولمز
.
یتمیش نفرین جنگی چکوب بیر نچه ساعت
هر چند جهاندا بله پیکار اولا بولمز
.
ذکر اولجاق ابوالفضل آدی آغلاردی یاناردی
سویلر دی اونون مثلی علمدار اولا بولمز
.
سعد اوغلی ولی سرحد انسانلیقی یخدی
یوخ یوخ دیمه بو قابل گفتار اولا بولمز
.
شمرین دوشی حیوان دوشی تک آلتی گوزیدی
صد لعن اولا گور ایت کمی بو هار اولا بولمز؟
.
منحال یازور جنگ و جدل خاتمه تاپدی
اسلامه دیدوم کمسه پرستار اولا بولمز
.
ختم اولدی حسین قتلی قوشون غارته گلدی
آیا بو خانم زینبه دشوار اولا بولمز؟
.
دلگیر اولان انسانه دانشماقدا چتیندی
هیچ دلده تکلم یولی هموار اولا بولمز
.
اظهار ایدوسن دردیوی خوش حالیوه شیعه
بیگانه سنه محرم اسرار اولا بولمز
.
ایللر دی سن آغلورسان ((امینی)) بو حسینه
اوز نوکرینه شاه مگر یار اولا بولمز؟
.
قبرینده ده ذکر ایتسون اگر نام حسینی
تا روز قیامت او ایوین تار اولا بولمز
.
#پندیات
#هر_فرد_بشر_عاقل_و_هوشیار_اولا_بولمز
#امینی_خویی
#ترکی
.
✍️ #زبدةالاشعار ✍️
?: @nohe_torki