قتلگاه و غارت خیام
.
✍️ زبدة الاشعار ✍️
?: @nohe_torki
.
شاهی اردبیلی
.
هر گئجه قرآن قرائت ایلین لر کیمدی لر
هر گونوز خلقه خیانت ایلین لر کیمدی لر
.
بیر طرفدن تشنه لب شاهنشهه وصاف اولوب
بیر طرفدن شمره خدمت ایلین لر کیمدی لر
.
هم شب احیاده یاحنان و یامنان دئییب
هم شب یلداده عشرت ایلین لر کیمدی لر
.
دورد مفاعیل اورگنرکن قیرخ ایلین استادینه
عیب و ایراد و اهانت ایلین لر کیمدی لر
.
هم ولیعهد ائلییب اوز نفسینی اهریمنه
هم ولی عصری مدحت ایلین لر کیمدی لر
.
سروه ظاهرده دیین لر بارک الله مرحبا
بالتیا باطنده بیعت ایلین لر کیمدیلر
.
شاهی زیبا کلامین اوخ ورانلار قلبینه
طایر قدسه جسارت ایلین لر کیمدی لر
.
شعر شیرین یازمارام جبریل اگر یار اولماسا
یار جبریلی ملامت ایلین لر کیمدی لر
.
قاضی الحاجاتی بیر قورتوم سویا محتاج ائدیب
روح عدنیله عداوت ایلین لر کیمدی لر
.
بیر قوشونسوز پادشاهی بیر اوغولسوز رهبری
طعن وتهدید و شماتت ایلین لر کیمدی لر
.
واحدالقهاری قلب عرصه ده تنها گوروب
ال چالانلار هتک حرمت ایلین لر کیمدی لر
.
گوردولر تاعرشدن اول علت تکوینی تک
یک صدا سسلندیلر یا لیتنا کنا معک
.
ائتدی فرمایش حسین ای عرشیان مستطاب
جانفشان عشاقه جنتدور بو دشت انقلاب
.
بوردا بیر احوال وار افلاکی ائیلر مستفیض
بوردا بیر گودال وار دنیانی ائیلر فیضیاب
.
بوردا علام الغیوب ائیلر جبینیمدن ظهور
کیپریگیم قالخیب اننده جان دییر ختمی ماب
.
سینمه اوخلار یازار والله ذوالفضل العظیم
حلقیمی تفسیر ایدر نهر فرات و روح آب
.
ایستسم امداد یئردن بعثر مافی القبور
ایستسم گویدن مدد لبیک سسلر نه قباب
.
قطره قطره قان کی سینمدن یئره ایلر نزول
ثبت ایدر تپراقون اوسته تلک آیات الکتاب
.
ای خدنگ و تیر و خنجر خدمتوزدن شاکرم
عاشقه جان عیب دور ، پیکر مزاحم ، سر سراب
.
تا به کی مخفی کنم کون و مکان را در بدن
تا به کی بر رب العزه جسم را سازم حجاب
.
قوی بوغازیمدن توکولسون خون الرحمان یئره
قوی قیزیل بسترده جان وئرسین اوغولسوز آفتاب
.
قوی داغلسین چوللره اوچ دورد یاشیندا قیزلاریم
قوی حروفات مقطع سیلی دن گورسون عذاب
.
آشیانی اولسادا برباد اشرفدور هما
ائتسه ده عنقا یئرین تسخیر ، ارزلدور غراب
.
قوی داغلسین دانه ی تسبیح پیغمبر کیمی
کربلا صحراسینه محجوب اوشاقلار بی نقاب
.
قوی کف پای رقیمدن آییرسون خار، پوست
در طریقت هرچه پیش سالک آید خیر اوست
.
حیف اوعلوی سوزلری کوفیلر انکار ائتدیلر
عالم الغیبین قانین توکمکده اصرار ائتدیلر
.
اهل ایمان جوهر ایمانی تنها قویدیلار
اهل قرآن علم القرآنه اخطار ائتدیلر
.
فتنه جولر حکمت علیایه خنجر چکدیلر
کورلر نورالسماواتیله پیکار ائتدیلر
.
سینه سلطانی گورجک دوشدی گللر سجدیه
گللری اوخلار نماز اوسته عزادار ائتدیلر
.
مالک یوم حسابه ظلم بی حد و حساب
ائیلمز کافر ولی اعراب دیندار ائتدیلر
.
گلدی آخر نالیه جبریل یعنی عاقبت
بیر چوخور یئرده گدا و شاه دیدار ائتدیلر
.
ییخدی ارذوالعرشی قالدی معبد گودالیده
ذوالجلالی منبر نی ده نمودار ائتدیلر
.
آلدی اول ذبح عظیمین دوره سین یوز مین رسول
باخدیلار رخسارینه تسبیح دادار ائتدیلر
.
داش یئرین آلنیندا زهرادن نهان ائتمیشدی قان
قانی آلنیندان سیلیب اخفانی اظهار ائتدیلر
.
یئدی گویدن کئچدی عقل آخر اوباشه چاتمادی
چاتدی اما آه زینب ناله ابرار ائتدیلر
.
پاره حنجردن پدیدار اولدی الرحمان سسی
جان فدا اول نغمییه احرار و اخیار ائتدیلر
.
ویرمدی نادان مسلمانلار ولی افسوس گوش
گوش نامحرم نباشد جای پیغام سروش
.
.
نی ده ساتدی نازلر دنیای عشقین رهبری
نازه باخ اولدی اونازه ذات سبحان مشتری
.
من رانی قد رالحق سویلدی حلقوم شاه
گورنه خدمت ایلدی سلطانه شمرین خنجری
.
گوزلری عشاقی مست ائتدی الی یوم المعاد
قاشلاری چکدی دالیجاق اللی مین پیغمبری
.
ساقیا لازم دگل ، کوثر شرابین سپ چوله
قل هوالله عشقینین عطشانی نئیلور کوثری
.
شاهیا گویللرده گوردون اول شهین اجلالینی
یئرده گور باشسیز اوشاقلارینی دینسیز لشگری
.
عرشه قالخار خیمه لردن گاه توسدی گه آلو
دوره لر صیادلر اوددان چیخان آهولری
.
هم ویرار ، هم قورخودار ، هم آت قباقینده قووار
وحشی لر باشدان آچار خنجر اوجیلان معجری
.
هر اوشاق اشرار ایچینده گورسنور بیر قوش کیمی
چیرپینور هم خوردا قلبی تیتریور هم پیکری
.
اوچماق ایستور ، وئرمیور امکان حیاسیز قمچیلر
قاچماق ایستور ، وئرمیور فرصت تیکانلار نشتری
.
بئیله بیر حالدا رقیه نئیلیور گوشواره نی
بئیله بیر حالدا نه لازم عالمین زیب وزری
.
بئیله بیر حالدا فقط یاده دوشور بیر جفت قول
سس قوپور گل ای عمو ، ای مرتضانین مظهری
.
قانه دونموش سو دالیجان کاش گئتمییدون عمو
آلدی بیزدن سو ، سنی قانه دونئیدی بئیله سو
.
#غارت_خیام
#قتلگاه
#هر_گئجه_قرآن_قرائت_ایلین_لر_کیمدی_لر
#شاهی_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید