اربعین
.
✍️ زبدة الاشعار ✍️
.
🆔: @nohe_torki
.
هدایتی تبریزی
.
هزار شکر اولا کی شاملم عنایتوه
فسرده اهل و عیالون گلیب زیارتوه
.
اولونجه لحظه به لحظه خیالمه سالارام
فغان ایدیب یانارام آغلارام شهادتوه
.
ائویم یخلدی یاریم گونده خیمه م اولدو تالان
عطش فزون ایلدی دمبدم حرارتوه
.
الیمده اولمادی امکان سنه بیر آز سو ویرم
سعادت اولمادی زینب گله سقایتوه
.
گوزوم باخا باخا گرگان تیز چنگ و جسور
جسارت ایله دیلر ، باعث اولدو زحمتوه
.
سنه دگن یارالار زینبین یاریب اورگین
جریحه دار اورگیم قوی یانا جراحتوه
.
توکولدو زاغ و زغن پرپر ایلدی گولومو
جسارت ایتدی رعیّت حریم ساحتوه
.
اورگیوین یاراسی نقش اولوب اورک باشنا
او یاره کی سنی نقش ایتدی قانلی تربتوه
.
قلج وران داش آتان نیزه اوخ وران بی دین
تلاش ایدری ورا کاری یاره حضرتوه
.
دیردی یاره سولاری یوزون آخاردی قانین
یئتردی لحظه به لحظه خطر طراوتوه
.
گوزوم ده جلوه لنیر آلنوا دیبدی یارا
آخوبدی سجده گهین قانی قانلی صورتوه
.
یوروب یارا یخلوبسان دورانموسان ایاقا
گئنه او حالیله ایتدین حمایت عترتوه
.
باجون اولیدی او حالیله گورمیدی سنی
اولونجه آزدی یانام اول شکسته حالتوه
.
سورونماقین چخا یاددان محالدور قارداش
کی روح فاطمه احسن دئیردی همّتوه
.
گرکدی درس آلا ایثاری قدسیان سندن
گرکدی باش اگه کرّوبیان صلابتون
.
عجبدی اولمه دیم اول حالیله سنی گوردوم
عجبدی شاهدیدیم محشر و قیامتوه
.
عجبدی نیزیه باشون چخاندا چخمادی جان
عجبدی صبر ایلدیم درد بی نهایتوه
.
نه نوعی سندن ال اوزدوم فقط خدا بولوری
نه نوعی تاب ایلدیم بولمورم کی هجرتوه
.
باشون دالیجا دوشوب گزمیشم اسارتده
سنین اسیروم عزم ایتمشم طریقتوه
.
گورنده نی ده باشون کوفه ده قانیم جوشدو
دوزنمدیم کی گورم کول قونوبدو طلعتوه
.
شریف آل محمد هارا کول اوستو هارا
علاوه چخمشیدی کوفی لر نظارتوه
.
باشین بلاسی مگر بس دگولدی ، کوفه لی لر
داش آتدی نی ده سر انور و شرافتوه
.
گوتوردو یاره دوباره جداده یارلی باش
گرک اولونجه توکم گوزیاشی مصیبتوه
.
شراب بزمنه ابن زیاد چکدی بیزی
کی بلکه آرترا گرد کدر کدورتوه
.
آنام اوپن دوداقی میلهء قضیب اوپدی
اونون حقارتی افزون ائدیب صعوبتوه
.
زیادین اوغلونو بیر قطره قانیله یخدین
حقیر اولوب اوتانیب پی آپاردی قدرتوه
.
اوجالدی نیزیه باشین باشم اوجالدی منیم
جهانی نیزه ده جذب ایلدین تلاوتوه
.
اشارتاً منه هر مطلبی بیان ایلدین
باجون مطیع دی دلدن هامی اشارتوه
.
قالاندا یولدا رقیه قطاری لنگ ایلدین
عیالوی ایلدین شامل اوز کرامتوه
.
جداده باشین ایدردی خلایقی ارشاد
فدا مراموه منظوروه سیادتوه
.
یول اوسته راهبی ده دعوت ایلدین دینه
گورنده رفعتوی اگدی باش صداقتوه
.
عنایتین گورونوب دیری رشک طور ایلدین
گورنده لطفوی راهب چاتوب قرابتوه
.
آتیب یهودی مسلمان اولوب دیدی اشهد
هزار مرتبه احسن سنه هدایتوه
.
خرابه شامه کیمی گوزلریم باخاردی سنه
یانان اورک آچلاردی باخاندا طلعتوه
.
خرابه شام ده ویرانسرا یئر اولدو بیزه
ترابین اوسته اولوب فرش عیال و عترتوه
.
ابوتراب قزین چرخ ائدیب تراب نشین
سنی آیردیلا یاندوخ دوباره حسرتوه
.
رقیه ناله سی اولدو بیزه سفیر وصال
گتردیلر سنی چاتدوخ دوباره وصلتوه
.
.
#اربعین
#هزار_شکر_اولا_کی_شاملم_عنایتوه
#ترکی
.
✍️ #زبدةالاشعار ✍️
.
🆔: @nohe_torki
نظر دهید