زبدةالاشعار

هفتمین حجت خلاق توانا و علیم #کاظمیه_رمضانی_ذوالفنون

مدح و میلادیه حضرت امام کاظم علیه السلام
#گریز به #کوفه
.
✍️ #زبدةالاشعار ✍️
.
🆔: @nohe_torki
.
محمدرضارمضانی«ذوالفنون»
.
هفتمین حجت خلاق توانا و علیم
لقبی کاظم وصابر، اوزی همنام کلیم
صاحب خُلق عظیمون بالاسی مرد کریم
گل گلزارامامت گهر کنز شرف
نوه حضرت صدیقه و سلطان نجف
.
.
آتاسی حضرت صادقدی امام دوسرا
آناسی اَندُلُس اهلیدی نجیب نجبا
یازیلوب آدی حمیده بیلون ای اهل وفا
عفت وعصمتیلن خَلق تانیردی بیله سین
گَتدی دنیایه اوخاتون شه دینون نوه سین
.
.
حضرت موسی کاظم ثمر قلب علی
حجت هفتم ربّ ابدی و ازلی
دانیشاردی بلی گهواره ده عیسی مثلی
یوخ بونا جای تعجب چون اونون وار چیخاری
اولا مین مرتبه عیسی دن او حضرت یوخاری
.
.
یئری واردی اولا عیسی گل طاهایه مرید
انبیا یوز قویار درگاهینه با عشق و امید
نقل ائدوب شیخ کُلینی و طَبرسی و مُفید
وئر قولاق بو خبره واردی موثّق سندی
آدی یعقوبیدی شخصیکه بونی نقل ائلدی
.
.
محضر صادق آل اللهه با حال شعف
وارد اولدوم،ائلیم کسب تعالیم و شرف
گوردوم اول وارث علم و هنر شاه نجف
حضرت کاظمه گهواره ده اسرار دیور
دلده کی سرّینی اوز یارینه اول یار دیور
.
.
من بیر آز صبر ائلدیم تا که سوزی اولدی تمام
صورا گئتدیم قاباقا وئردیم او مولایه سلام
ائلدی ردّ جواب و منه امر ائتدی امام
بیل او گهواره ده کی طفل،گل زهرادی
گئت اونا عرض سلام ایله سنه مولادی
.
.
یریدیم شوقیله گهواریه ساری او زمان
قلبیمه دولموشودی عشق و امید و هیجان
ائلدیم عرض سلام و یوزونی گوردوم عیان
چوخ فصاحتله جوابیم دئدی اول ماه جبین
گتدیم اعجازینه ایمان شه مُلک ادبین
.
.
یوزومه باخدی محبتله منی شاد ائلدی
گر چه نوزادیدی اما منی ارشاد ائلدی
ییخیلان خانه ی افکاریمی آباد ائلدی
غنچهٔ گلشن حیدر منه امر ائتدی غرض
گئتگیلن سن قیزیوین آدینی فوراً ائت عوض
.
.
انتخاب ایلموسن سن اونا بو آدی دونن
که بگنمور او آدی خالق روح و دل و تن
یعنی مبغوضیدی بو اسم، دگول نام حسن
گردنونده وار اونون حقی قبول ایله اینان
او قیزین حقین ادا ایله گوزل بیر آدینان
.
.
اعتراف ایلوری راوی که منه ذات خدا
بیر گوزل قیز اوشاقی ائتمیشیدی لطف و عطا
انتخاب ائتمیشیدیم نام حُمیرا من اونا
حضرت صادق اوزی باشلادی گفتاره گنه
ضمن اظهار محبت بئله امر ائتدی منه
.
.
ایستیورسن ،سن اگر اهل سعادت اولاسان
تاپاسان دوز یولی دنیاده هدایت اولاسان
امرین اجرا ائله مشمول کرامت اولاسان
منده دستورینی اجرا ائلدیم سرعتیلن
عوض ائتدیم قیزیمون آدینی فوریتیلن
.
.
«ذوالفنونا»اوخی هر دم بومبارک خبری
فکر ائله امر امامتده اوزون مختصری
ایلیوبدی نجه گهواره ده گور راهبری
رمز توحید و نبوتدی امامت بونی بیل
واردی قرآنیده چوخ آیه بو معنایه دلیل
.
.
نجه که ایستیوسن شعرلرون زنده اولا
سوزلرون مکتب عشاقه برازنده اولا
اعتقادونده گرک محکم وپاینده اولا
برگ تک اولمیاهربادیله لرزان اولاسان
ارزش دینون الوندن گئده ارزان اولاسان
.
.
سنّ وسال امر امامتده دگول شرط و دخیل
هر زمان ایستسه لطف ایلیه جاق رب جلیل
یازیلوب دفتر خلقتده بو بیر اصل اصیل
عین برهانیدی خلق اللهه رفتاری اونون
حکم یزدانیدی انسانلارا گفتاری اونون
.
.
ئولوسی نن دیریسی بیردی امامون رفقا
خواب وبیداریده هشیاریدی یوخ چون وچرا
ثابت ایلوبدی بونی پادشه کرب وبلا
اوندا کی نیزه ده قرآنی تلاوت ائلدی
کوفه ده زینبه بو نحوی حمایت ائلدی
.
.
دشمنون نقشه سینی نقش برآب ائتدی حسین
خارجی آد قویانی خانه خراب ائتدی حسین
باجیسی زینب اوناباخدی خطاب ائتدی حسین
یارالی لبلره قربان بویوک اعجاز ائلدون
اهل قرآنی آنام جانی سرافراز ائلدون
.
#کاظمیه_رمضانی_ذوالفنون
#کاظمیه_میلادیه
#هفتمین_حجت_خلاق_توانا_و_علیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  حسینون اولان مه جمالی #اکبریه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی