زبدةالاشعار

هله ایتمه آیریلیقدان بیله آه و ناله زهرا #پیامبراسلام_خوندل_تبریزی

شهادت حضرت خاتم الانبیا (ص)
.
✍️ زبدة الاشعار ✍️
.
🆔: @nohe_torki
.
مرحوم خوندل
.
هله ایتمه آیریلیقدان
بیله آه و ناله زهرا
بو یاخون زماندا نائل
اولاسان وصاله زهرا
.
.
نه قدر قیزیم وارام من
سنه وار بو ایوده مأمن
هله ایتمه داد و شیون
هله ایتمه ناله زهرا
.
.
هله قلبیمه شراره بیله سالما شیونیله
نه قدر که الفتیم وار بو زمانه ده سنیله
گل اوتور قیزیم یانیمدا دی دانیش بیر آز منیله
او گون آغلا شمس عمروم یتیشر زواله زهرا
.
.
هله شهر یثربون وار بیزه مهربان فضاسی
هله نغمه ی مخالف نه گلور نه وار صداسی
هله ایتمیوبدی دشمن سیزی غملر آشناسی
او گون آغلا درد و رنجون یتیشر کماله زهرا
.
.
هله سولمیوبدی رنگون هله گلمیوب خزانون
هله چیخمیوبدی عرشه غم و غصه و فغانون
هله پایکوب دشمن اولا بولمز آستانون
بیله اولما غم اسیری هله لامحاله زهرا
.
.
هله من وارام جهاندا نه قدر که عزتون وار
هله بو خانملوقون وار هله جاه و شوکتون وار
نه اولوبدی غصب حقون نه غم و مصیبتون وار
هله گلمه آه و زاره هله ایتمه ناله زهرا
.
.
هله گلمه فرقتیمده بیله ناله و فغانه
هله ایتمه سیل اشکون بیله گل یوزه روانه
هله گلمیوبدی دشمن وورا اود بو آستانه
هدف اولمیوبدی قلبون ایله اشتعاله زهرا
.
.
هله ایتمیوبدی جرئت سیزه رحمسیز جماعت
قیزیم اولمیوبدی عنوان هله ماجرای بیعت
هله دینی اولمیانلار سیزه ایتمیوب جسارت
هله دونمیوبدی قدون بوکولن هلاله زهرا
.
.
هله دشمنون جفاسی گله بولمز آشکاره
هله تیر آهویله بیله وورما قلبه یاره
هله وار فدک الوزده سند اولمیوبدی پاره
هله توکمه در اشکون بیله گل جماله زهرا
.
.
قیزیم آغلاما بهارون هله دونمیوب خزانه
هله یتمیوبدی آفت گل گلشن جنانه
هله اولمیوب عم اوغلون اولا بند ریسمانه
یانارام او ماجرانی سالارام خیاله زهرا
.
.
هله اولمیوب عم اوغلون ستم اهلینون اسیری
هله روبهون اولانماز اولا شیر دستگیری
هله اولمیوبدی حقون ایله بیر آجیقلی شیری
دوشه دام اهل کفر و ستم وضلاله زهرا
.
.
یارانوب جهاندا هر کیم اونا وار اُلوم محقق
بو که یوخدی بیر نفردن آلینا بو حقّ مطلق
منه هامودان قاباق سن اولاسان جهاندا ملحق
قوتارار غم فراقون یته سن وصاله زهرا
.
.
.
.
#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر) و …
.
.
#پیامبراسلام_شهادت
#هله_ایتمه_آیریلیقدان_بیله_آه_و_ناله_زهرا
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای جمالی کعبه ی اهل حقیقت یا علی #حیدریه_خوندل_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی