زبدةالاشعار

هله گلشَنین گولو سولمیوب آنام آغلاما، باجیم آغلاما

شب عاشورا (1)
.
✍️ زبدة الاشعار ✍️

?: @nohe_torki
.

مرحوم حاج رضا صراف تبریزی
.
هله گلشَنین گولو سولمیوب
آنام آغلاما، باجیم آغلاما
هله ساغدی قارداشون ئولمیوب
آنام آغلاما، باجیم آغلاما
.
.

آنامین عزیزه قیزی باجیم
هله اولما مایل درد و غم
قوشونوم دورار هامی بیر به بیر
هله یاتمیوبدی اسیر عَلَم
هله صاحب عَلَم ئولمیوب
هله ائتمیوبله قولون قلم
هله مشکی قانیله دولمیوب
آنام آغلاما، باجیم آغلاما
.

هله قوملار اوستونه دوشمیوب
باجی اکبرین قد نورسی
گون ائوینده ظلمیله قالمیوب
هله پاره پاره جنازه‌سی
هله خیمه‌لرده‌ن اوجالمیوب
گویه لیلی‌نین بالا وای سسی
هله مشکی قانیله دولمیوب
آنام آغلاما، باجیم آغلاما
.

متن پیشنهادی:  نادم اولدی حرگلدی دل غمین #عدلی_تبریزی

هله پوزمیوبله تفاقیمی
هله رونقی وار اساسیمین
هله قویما ایندی عم اوغلو وای
دییه نو عروسینی قاسمین
هله یاسه باتما چوخ آغلاما
هله ابتداسیدی یاسیمین
هله مشکی قانیله دولمیوب
آنام آغلاما، باجیم آغلاما
.

هله ئولمیوب ایکی نورسین
جیگرین باشی هله یانمیوب
هله زلف کاکُل اکبریم
باجی القانینه بویانمیوب
هله آغلاماز علی اصغریم
هله ظلم اوخیلن اویانمیوب
هله مشکی قانیله دولمیوب
آنام آغلاما، باجیم آغلاما
.

هله آغلاما قالیر آغلاماق
لیقیوین زمانه ده چوخ یری
باجی زینب آغلاما ساکت اول
دئمه ساکت اولماقا یوخ یئری
هله یوخ باشیمدا قلج یئری
بدنیمده یوخ هله اوخ یئری
هله مشکی قانیله دولمیوب
آنام آغلاما، باجیم آغلاما
.

متن پیشنهادی:  علی نین آدینی ذکرایله ماقدا وار حسنات #حیدریه_مصیبی_تبریزی

بو دیاریده ای آنام باجی
هله ظلم لجّه‌سی داشمیوب
هله لشگر ستم و جفا
سیزه جور و ظلم الین آچمیوب
هله خیمه‌گاهیم آلیشمیوب
هله عترتیم چوله قاشمیوب
هله مشکی قانیله دولمیوب
آنام آغلاما، باجیم آغلاما
.

هله شیشه‌ دل صافیوی
باجی غم کدورتی باسمیوب
هله دین اساسی پوزولمیوب
هله صرصر ستم اسمیوب
هله ظلم عرشه دایانمیوب
هله شمر باشیمی کسمیوب
هله مشکی قانیله دولمیوب
آنام آغلاما، باجیم آغلاما
.

هله قلبین ای باجی یانمیوب
یانار اودلار اوزره کباب تک
بو قدر سیزیلداما آغلاما
هله چکمه ناله رباب تک
باجی قانیمی باجیلار یوزه
هله یاخمیوبدی خضاب تک
هله مشکی قانیله دولمیوب
آنام آغلاما، باجیم آغلاما
.

متن پیشنهادی:  حسیندی عالَمِ عشقه شهنشهِ جبروت #حسینیه_محمد_وهابزاده

هله هست عشقیله هست سن
هامی‌دان علاقه‌نی کس رضا
هله کی حسین پرست‌سن
بو سوزیله وئر اونا سس رضا
هله سوز دردیله مست سن
ندی بو هوا و هوس رضا
هله مشکی قانیله دولمیوب
آنام آغلاما، باجیم آغلاما
ـــــــــــــــــــ
(1) این نوحه برای ورود به کربلا سروده است، برای شب عاشورا هم مناسبت دارد.
.
#سبک_بالام_آغلاما_گلوم_آغلاما (بیش از 7 سبک )

.
#شب_عاشورا
#ورود_کربلا
#هله_گلشنین_گولو_سولمیوب
#صراف_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی