شهادت علی اصغر (ع)
زبانحال امام حسین (ع) به حضرت زینب(س)
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
وئردی بیر سو بالاما حرمله پیکانی باجی
یاندیروب یاخدی او سو عالم امکانی باجی
.
.
گوردی بو دشتیده چوخ گرمیدی بازاری سویون
یوخدی جان نقدینه،چوخ واردی خریداری سویون
بالامون اولدی گوزی حسرت دیداری سویون
یوللادی سو یرینه بیر سولی پیکانی باجی
.
.
بسکه پر تابیدی اوخ دایه سی چوخ ائتدی شتاب
او شتابینده ایدوب حلق لب لعلی حساب
جگریم گوشه سی یاندی جگریم اولدی کباب
گوزدن آتدوخ ایکیمزده هامی دنیانی باجی
.
.
باخمادی حرملۀ بد سیرین کینه سینه
گوردی بو سو ، یتورور مقصد دیرینه سینه
بسکه تشنیدی ایچینده توکولوب سینه سینه
سوندی بو سوئیله نار دل سوزانی باجی
.
.
اوخ دگوب آخدی گوزین باخدی منه گولدی بالام
منی آغلاتدی او گولماقی اوزی بولدی بالام
قان گئدوب گوزلر آخوب باتدی نفس،ئولدی بالام
روحی آیریلدی الیم اوسته چخوب جانی باجی
.
.
فکر پستان ربابی باجی جان گوزدن آتوب
سو ایچوب تشنه دگول دلده کی مقصوده چاتوب
چاغور آغوشیوه گور قان آپاروب یا کی یاتوب
یا بالام درک ائیلیوب محضر جانانی باجی
.
.
ایلدیم حقّیمی اثبات ایکی برهانله من
بیر علی اصغر لب تشنه و عطشانله من
بیرده بو الده کلام حق سبحانله من
حقّیمه منکر اولوب داندیلا قرآنی باجی
.
.
هر دلیله بالاما ایستدیم آخر باجی آب
اعتنا ائتمدی اصلاً سوزیمه اهل عذاب
عاقبت وئردیله اوچ شعبه لی تیریله جواب
دولدی آلقانله پیرامون دامانی باجی
.
.
اوخ دگنده نه دئدی اوخ نه تللم ائیلدی
حسرتیله منه بیر باخدی تبسّم ائیلدی
گوردی چوخ غصّه لییم دفع تألّم ائیلدی
دلدن آلدی غم اندوه فراوانی باجی
.
.
بولدی معبودیم ائدوب جانیمی افسرده بو غم
تسلیت وئردی بو غمده منه چوخ قیلدی کرم
ایستدی زایل اولا دلده کی اندوه و الم
بولدیم آخر که قبول ائتدی بو قربانی باجی
.
.
باجی گلموردی یوزوم بیرده گلم خیمه لره
آناسین خیمه قباقینده بیر آلدیم نظره
اوره گیم اود دوتوب اودلاندی او خونین جگره
قویمادیم یولادا قالا دیدۀ گریانی باجی
.
.
دائماً خوش دل اولور رسمیدی بلبل گولیله
گول آچار پرده نی یوزدن نفس بلبلیله
هر آنا صود امرین صودّن آچار خوش دیلیله
گورمدی اصغریم افسوس بو عنوانی باجی
.
.
نه اوغول وار ، و نه قارداش آلا بالامی مندن آلا
منتظر دور آناسی قویما گوزی یولدا قالا
آل آپار وئر دینه گهواریه آهسته سالا
یغا اطرافینه بیر جمع پریشانی باجی
.
.
شعلۀ آه شرر باریله دل داغلاموشام
گوز یاشیم تک یوزیمه خون جگر باغلاموشام
بالامون حالینه باخدوقجا یانوب آغلاموشام
گزمیشم ناله کنان عرصۀ میدانی باجی
.
.
وئر خبر عترت یاسینه بو غمده یانالار
شمع تک بزم عزاسینده یانوب اودلانالار
سس سسه ویرسون آناسیله اوغسوز آنالار
قیزلاریم اوخشیا بو قانینه غلطانی باجی
.
.
«عاصینون» هر ایکی دنیاده منم دادرسی
تانور عالمده منی بیر تانوماز اوزگه کسی
باشی اوسته اوزوم اولّام اونون آخر نفسی
وعده وئرّم اونا من روضه رضوانی باجی
.
.
#اصغریه_عاصی_تبریزی
#اصغریه_شهادت
#وئردی_بیر_سو_بالاما_حرمله_پیکانی_باجی
#ترکی
.
✍️ #زبدةالاشعار ✍️
.
🆔: @nohe_torki
نظر دهید