زبدةالاشعار

وئردی قلم عزانی خبر، دفتر آغلادی #ورود_محرم_محمد_وهایزاده

ورود ماه محرم
.
✍️ زبدة الاشعار ✍️
?: @nohe_torki
.
محمد وهابزاده
.
وئردی قلم عزانی خبر، دفتر آغلادی
شعریم عَرَضدی معنیده باخ جوهر آغلادی
.
چاتدی گِنه زمان عزا، رستخیز عشق
قانلی قیامه پنج تن و شِشدر آغلادی
.
دنیایه عنقریب دوشه بانگ ولوله
شعر و رجزلره یتیشن مصدر آغلادی
.
کعبه گیوبدی جامه قرا مروه و صفا
حُجّاجِ مُحرِم و عرفه مَشعر آغلادی
.
یکسر سالوبلا قاره لِچک حوریلر باشا
هیئت دوتوبلا گویده ملائکلر آغلادی
.
ای عاشقان بومجلسه یغیشون سینه داغلیاق
واعظ چاتاندا روضیه باخ منبر آغلادی
.
تعداد یاوران حسین آزدی غم یِمه
بیزلر یر اوسته گویده ولی اختر آغلادی
.
شیعه اگر اشاره نی دوتسا چوخ آغلیار
میداندا یاورایستینده حسین، اصغر آغلادی
.
منع ائتدیلر حسینه آغلاماقی زینبه او گون
دل داغلادی ئورکده خانم بدتر آغلادی
.
سس قوش بو گون، اُول احمد مختاره هم نوا
بیر سس سیز آغلیان خانما حیدر آغلادی
.
عاشق حسینچیلره ولی وار بیر سوزیم منیم
عریان باشوزدا عشقی یازان خنجر آغلادی
.
قاسم طوی ایلینده گلوب عرشیدن شاباش
پاتخینه هدیه وئرن کافر آغلادی
.
اصغر آناسی صود امره لایلای اوخشیور
گهواره ایچره غیرتینه محور آغلادی
.
اما حسینه فرقهء کافر سو وئرمه دی
عطشان بوغازی اوخلادیلار حنجر آغلادی
.
همتاسی یوخدی عالَمِ عشقین مجاهدی
سقا غمینده مَشک و عَلَم یکسر آغلادی
.
ثبت است بر جریدهء عالَم دوام عشق.
(عیّارِ) نابلد بو شعرووه شاعر لر آغلادی
.
#ورود_محرم
#وئردی_قلم_عزانی_خبر_دفتر_آغلادی
#محمد_وهابزاده
#ترکی
.
✍️ #زبدةالاشعار ✍️
?: @nohe_torki

متن پیشنهادی:  بو گون کوفه ده شاه ولایت یارالاندی #حیدریه_نجمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی