زبدةالاشعار

وئرمرم بیر باخیشین عالم امکانه علی #اکبریه_علیرضا_عباسی

زبان حال امام حسین (ع) به علی اکبر (ع) به هنگام وداع
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
.
علیرضا عباسی (احسان تبریزی)
.
وئرمرم بیر باخیشین عالم امکانه علی
سنی قربان وئریرم مکتب قرآنه علی
.
.
هاشمی لر آراسیندان سنی اول سئچیرم
سرو تک قامتیوه رخت شهادت بیچیرم
کئچن اولماز بیلیرم من ولی سندن کئچیرم
جدیمین مظهری سن گئتگیله میدانه علی
.
.
آل هاشم ائلینین مفخری دردانه سیسن
شمع حقین بیلیرم شوقیلی پروانه سیسن
مکتب عشقین اوغول سالک فرزانه سیسن
عرصه ی عشقه قدم قویگولا مردانه علی
.
.
یوخ سوزوم دهریده سن عمرومه حاصل سن اوغول
طی ائدیب عشق یولون عشقیده کامل سن اوغول
سرو جان دینه فدا وئرماقا مایل سن اوغول
خوشدی جان اولسا فدا بو ره جانانه علی
.
.
حیرته سالموسان اسماعیلی ای حقّه فدا
وار یئری حالیمه ابراهیم اوزی رشگ آپارا
ذبح ائده اوغلونی ابراهیمه امر ائتدی خدا
فدیه وئرم سنی من خالق سبحانه علی
.
.
یاریله عهد ائله میشدیم من اوزوم روزازل
وقتیدیر ایلیورم عهدیمه من ایندی عمل
عهدین اجراسینه تعیین اولونوبدی بو محل
انبیالر اوزی شاهددی بو پیمانه علی
.
.
بینوب حق اوزی خوش سیرتیوی نیتیوی
بوندان ارتوقدا اوزی ارتوراجاق عزتیوی
گوهریم کوفه نین اهلی نه بیلیبلر قیمتیوی
حق خریداریدی سن تک در رخشانه علی
.
.
ایلیب ذات کریم چوخ منه عالمده کرم
حق خریداریدی قربان لاریما واردی نه غم
گیدیسن حقه قوناق آت ولی آهسته قدم
پشت سردن باخارام منده یانا یانه علی
.
.
گیتگیلن گلماقیوا یوخدی داخی منده گمان
گلمه سن ایلیه جک غم نئجه بو قدی کمان
سسله سن داده منی قالمیاجاق منده توان
نئجه گورّم بویانوب صورتیوی قانه علی
.
.
سالدی میدانه یولا اکبری حسرتله امام
چوخ زمان کئچمدی بیر سس اوجالوب وئردی سلام
او سلامیله حسینین ایشینی قیلدی تمام
دئدی گل اولدی نشان خنجر برانه علی
.
.
صاق صولا میل ائلدی قان بورودی بسکه گوزون
بیر سلامیله خیامه ساری دوندردی یوزون
ادبین حدینه باخ گور نئجه آندیردی سوزون
یعنی میداندا دوشوب گل بابا بحرانه علی
.
.
سسینی آلدی گلیب عرصیه سلطان ملول
دوغرانوب گوردی سراپا بدن شبه رسول
وای بالا سسلدی یاندی غمه دلبند بتول
بنذیور پرپر اولان لاله ی نعمانه علی
.
.
اوزانیب یئرده بالاسین آلوب آغوشه امام
باخدی حسرت یومولان نرگس مدهوشه امام
قانه باتمیش دوداقیندن گوتوروب توشه امام
دئدی سندن صورا افّ گردش دورانه علی
.
.
بالانین پیکری اوسته آتا دلخسته دوشوب
ائله بیل کی ساری گول قرمزی گول اوسته دوشوب
سار ی پژمرده دی قرمز نئچه یوز دسته دوشوب
دئدی گولسن داغیلوبسان بو گلستانه علی؟
.
.
یاحسین پرپر اولان گوللریوه آغلیارام
اوعبا ایچره یغیلمش گوله دیل داغلیارام
گئجه گوندوز یوزه اشکی بیلوسن باغلیارام
نظر لطفیله تاپشیر باخا «احسانه» علی
.
.
#اکبریه_شهادت
#وئرمرم_بیر_باخیشین_عالم_امکانه_علی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای اسمی لفظ عصمته ، معناده مصدر زینبیم #سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی