زبدةالاشعار

وئرموش عموم اجازه ، سنده آنا رضا اول #قاسمیه_صافی_تبریزی

وداع حضرت قاسم با مادرش
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی … 10 سبک
.
مرحوم صافی تبریزی
.
وئرموش عموم اجازه ، سنده آنا رضا اول
اکبر کیمی وئروم جان ، لیلایه همصدا اول
.
.
شمع وصال اکبر ، اولدی ستمله خاموش
قویدى اوغول آناسین ، هجرانیله هم آغوش
سنده منی آنا جان ، ایله ئوزون کفن پوش
لیلائیله بو چولده ، همفکر و همصدا اول
.
.
قلبیمده کی امیدیم . گتدی منی عراقه
مشتاق وصل یارم ، جانیم یتوب دوداقه
یوخ هجره منده طاقت ، دؤزمم غم فراقه
وار حق رضاسی سن دُوز ، بو غمله آشنا اول
.
.
گَتدی خلیل آپارسون ، ئوز اوغلونی منایه
کرّات آچدی هاجر ، دیل عجز و التجایه
دل وئر آنا اورکدن ، باخما همان آنایه
چون من ذبیح عشقم ، سن هاجر وفا اول
.
.
قربانگه وفادی ، بو غمفزا بیابان
لوح قضاده کاتب ، یازموش منی ده قربان
بیر امردور مقدّر ، وئرّم آنا سوسوز جان
تقدیره وئر رضایت ، سن تابع قضا اول
.
.
قوی من گیدوم دالیمجا ، گلمه یول اوسته دورما
گیت خیمۀ امامه ، تک خیمه ده اوتورما
قانه بویانسا زلفیم ، ئوز گل یوزیوه وورما
هر بیر بلایه شاد اول ، خوشنود برملا اول
.
.
باخما چمنده سروه خوش اولما گلشنیله
اولسا نقدر عمرون ، اول داد و شیونیله
باشیم جدا باشندا ، شامه گیدر سنیله
من تک بو کاروانه ، یوللاردا رهنما اول
.
«صافی» سنی ایدوبلر ، از بس که صاف ، بیغش
اولموش سوزون مؤثر ، خلقه بسان آتش
شوق زیارتون وار ، اولما بیله مُشَوَّش
عهد ایله اولسا قسمت ، چاووش کربلا اول
.
.
#قاسمیه_شهادت
#ویرموش_عموم_اجازه_سنده_آنا_رضا_اول
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  خلقتون اسرار حکمتدور خانم یافاطمه #فاطمیه_سیفی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی