مرامِ حسین …
اکبر قنبری تیکمه داش …
وئریر اورکلره تسکین صفای نام حسین
پیام حقّیدی ای عاشقان پیام حسین
حسینین هر کیم اگر دوتسا صدقیلن اتگین
نه مشکلی اولا حل ائیلیر امام حسین
حسین او شاه دو عالمدی فخر خلقتدی
که عرشیده یازیلیب نام مستدام حسین
حسین او شاهیدی که عرشه گئتدی قونداغی
وئریلدی گویلره زینت به احترام حسین
مقام و منزلت خسروان دنیایه
مقامین ائتمز عوض کمترین غلام حسین
بلا چولونده ائله قانلی بیر قیام ائله دی
سالوبدی طنطنه آفاقه اول قیام حسین
بویوردی ظالمه باش اَیمرم باشیمدا اگر
ویریلسا نوک جدایه بودور کلام حسین
من ئولمگیله اگر زنده دین حق قالاجاق
قیلیجلارین یاراسی نوشیدور به کام حسین
قیام ایله میشم من بنای ظلمی ییخام
جهاندا اولمایا ظالم ، بودور مرام حسین
اراده سینده ائله محکم اولدی سرور دین
یاراتدی مکتب حرّیتی قوام حسین
توکولدی قانی او قان زنده ساخلادی دینی
او دور که گون به گون آرتیر بلی مقام حسین
امام عصر گوزتلور خدادن اذن اولونا
ظهور ائده آلینا تا که انتقام حسین
بو فخر بسدی که دنیایه گوز آچان گوندن
اولوب خلوصیله بو #قنبری غلام حسین
#حسینیه_مدح
#ویریر_اورکلره_تسکین_صفای_نام_حسین
#اکبر_قنبری
#ترکی
نظر دهید