ورود به کربلا
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
مرحوم کاتب اردبیلی
.
وادی کرب وبلا سنده دور اول تربت پاک
نَوَّرَ اللهُ لَکَ الأَرضَ سَقَى اللهَ ثَراکَ
.
.
سنده تشخیص اولونوب طور کیمی جلوه ی نور
عاشقان حق او صحراده تاپوب قرب حضور
یوز قویار تربتوه فوج ملک دسته ی حور
شأنیده عرش مُعلّایه برابردی او خاک
.
.
یر یوزونده سنی حق رتبه ده جنات ائلیوب
سجده ی تربتوی افضل طاعات ائلیوب
او مکان اوسته حسین حقّه مناجات ائلیوب
وَاغفِرِ العاصِیِ مِن شیعَتَنا یَومَ جَزاک
.
.
کعبه ی عشق حقیقت اولونوب سنده بنا
وادی ایمنوی ائتدیله قانیله منا
قانلی لبلرله حسین حقه ائدوب شکر و ثنا
فَلَکَ الحَمدُ لَکَ الشُّکرُ رَضَیتُ بِقَضاک
.
.
سنه ای کرب وبلا رشک آپارور ارض حجاز
که قوروب سنده حجازون شهی بیر مجلس راز
عرض ائدردی اوزی معبودینه با رازونیاز
حینَ ما حَلَّ نَفَى الغَیرَ عَنِ القَلبِ هَواک
.
.
سنده اظهاره گلوب واقعه ی یوم حساب
بویانوب قانینه اعوان حسین شیخیله شاب
قالدی یالقوز شه دین اوز اوزینه قیلدی خطاب
فَإِذا شِئتَ رَفیقاً اَلَم العِشقِ کَفاک
.
.
سنده ای ارض مقدس شه اقلیم ولا
ایلدی روز الست ائتدیگی عهدینه وفا
هر مصیباتی گوروب سویلدی ای بار خدا
هر بلا گلسه حسینه سنون عشقونده نه باک
.
.
یخلان وقتیده آتدان شه عالم او یره
شرف حسن مکان اولدی مسلم او یره
انبیائیله گلوب حضرت خاتم او یره
موکنان ناله کنان دیده سی تر سینه سی چاک
.
.
نازنین پیکری دوغراندی دم خنجریلن
قوملار اوستونده وئروب جان او سوسوز حنجریلن
اوخشیوب زینب علیا اونی بو دللریلن
طالَ ما اَلسَنَنَا القَلبِ جَعَلناهُ فَداک
.
.
اولدی غلطیده به خون سبط رسول مدنی
چاک چاک اولدی او صحراده مبارک بدنی
توکدی ثاراللهی شرم ائتمدی اعدای دنی
گلدی دریاچه کیمی موجه او قانیله مغاک
.
.
سنده سولدوردیلا دین گلشنینون گللرینی
سنده دفن ائتدیلر آخر شهدا پیکرینی
چکدون آغوشه حسینون بدن اطهرینی
عَظَّمَ اللهُ لَکَ الأَجرَ عَلَى اللهُ جَزاک
.
.
طوی گونینده باشینا سنده سالوب قاره عروس
یاندی طوی حجله سی اول گون قالوب آواره عروس
وصل داماده یتیشموب دئدی بیچاره عروس
نازَ مَن نالَ َصفَاالوَصلَ َو ما خابَ سَواک
.
.
.
سن که مهریه ی زهرائیدون ای آب فرات
وئرمدی صاحبینه اول سپه بد حرکات
قطع اولوب فاطمه اولادینه أمید حیات
سوسوزوندان نچه اطفال حسین اولدی هلاک
.
.
حق مباح ایلوب عمومه سنی ای آب زلال
سن حرام اولدون حسینه ولی اعدایه حلال
نهی ائدوب عترت پیغمبره اول قوم ضلال
أَنکَرَ الحِکمَةَ مَن لامَکَ جَهلاَ وَ نَهاک
.
.
کاتبا آغلا حسینه تاپاسان بلکه نجات
بیل گلن واردی اونا آغلاماقا چوخ حسنات
بو سؤزی ورد زبان ایله إلى وقت ممات
بِأَبی أَنتَ وَ أُمّی جُعِلَ اللهُ فَداک
.
.
.
.
.
#کربلا
#وادی_کرب_و_بلا_سنده_دور_اول_تربت_پاک
#ترکی
.
✍️ #زبدةالاشعار ✍️
.
🆔: @nohe_torki
نظر دهید