وای طاقتیمی الدن آلان اصغریم ای وای #غمکش

زبانحال حضرت رباب (س)
.
✍️زبدة الاشعار✍️
.
🆔: @nohe_torki
.
مرحوم #غمکش
.
وای طاقتیمی الدن آلان اصغریم ای وای
گل مثلی سوسوزدان سارالان اصغریم ای وای
.
.
اصغر دئیرم گونده فغانه گلرم من
گؤزیاشیمی بو پوزقون عذاره الرم من
آهو کیمی هجرونده علی جان ملرم من
غملی آناسین درده سالان اصغریم ای وای
.
.
یوخدی آناوین همدمی بو غملی چاقیندا
یاننام سووشور غملی گونوم غم اتاقیندا
عمروم اوزونی اگلشرم گون قاباقیندا
وای حسرتی سینمده قالان اصغریم ای وای
.
.
وای نخل ولایتده صفالی ثمریم وای
وای قلبیمون آرامشی نور بصریم وای
اوچ شعبه لی اوخدان سود امن سودامریم وای
قوش تک قاناد حسرتله چالان اصغریم ای وای
.
.
گؤزدن سنی بیر لحظه آنون قویمادی اوغلوم
تندن او وفا رختینی هئچ سویمادی اوغلوم
او قاره گؤزوندن بیلوسن دویمادی اوغلوم
ای غنچه زمانینده سولان اصغریم ای وای
.
.
رحم ائتمدی دشمن سنه اول قانلی مناده
ییخدی بو ربابون ائوینی کرببلاده
یاننام نئچکی عمروم اولا دار فناده
غم صبریمی ایلوبدی تالان اصغریم ای وای
.
#سبک_ای_باد_صبا … 7 سبک
.
#اصغریه_شهادت
#وای_طاقتیمی_الدن_آلان_اصغریم_ایوای
#نوحه_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki