وداع واپسینیم دور قالور بیر آز زمان زینب #وداع_کاظم_پوررادی

وداع امام حسین (ع)
.
✍️ #زبدةالاشعار ✍️
.
🆔: @nohe_torki
.
حاج کاظم پوررادی
.
وداع واپسینیم دور قالور بیر آز زمان زینب
مجال درد دل یوخ کوفیان وئرمیر امان زینب
.
بو گون معبودیله ئوز عهد و پیمانیم یئتر باشه
سزادور بذل ائدم جانان یولوندا باش و جان زینب
.
دیار کربلا میعادگاه اهل ایماندی
حریم بزم رازیمدور مقدس بیر مکان زینب
.
وئریبلار سینیه عزت مدالین یار و انصاریم
شهید فی سبیل ا… اولار عالی نشان زینب
.
یانار بیر اوتدی هجران داغی زینب چاره یوخ صبر ائت
منه واضحدی بو غمدن اولار قدّون کمان زینب
.
گلور سس خیمه لردن آغلور اطفالیم پوزور حالیم
اماندی قویما قیزلار سسلسونلر الامان زینب
.
بو مشکل امردور بیرده بئله بزم وصال اولسون
دوباره خلوت دیدار اولا ائتمه گمان زینب
.
حیات جاودان سیر الی الله دن اولار حاصل
کلام وحی دی مصحفده، صبر ایله دایان زینب
.
سجایای حکیمانه سنه وئرمیش آنام زهرا
اوزون عارفسن عاشورا مقام امتحان زینب
.
اولاق اَل بیر اوجالسین پرچم گلگون عاشورا
منیم قانیم، سنون ایفای عهدون همزمان زینب
.
گتور اطفالیمی بیر بیر وداع ایلوم آنام باجی
رقیمدن مواظب اول که گتمیم ناگران زینب
.
سنخدی قلبی دشمن گورمییوب نازین چکوب رام ایت
یتینجه شهر شامه قویما اولسون باغریقان زینب
.
اوزاق یولاردا حامی اول باجی اهل و عیالیمدن
اذیت ایتمسین اطفاله شمریله سنان زینب
.
سیزی اللّهه تاپشوردم خانم باجی خداحافظ
بئله قان آغلاما ائتمه یوزه اشگون روان زینب
.
باجی قارداش منی تک قویمیون آخر وداعیمده
سیزه بیر عمردور #پورراد اولوبدور نوحه خوان زینب
.
اوزوز بیر دوز سالون اشعاریمه دلدن دله دوشسون
و الّا من هارا مرثییه شرح و بیان، زینب
.
.
#حسینیه_وداع
#وداع_واپسینیم_دور_قالور_بیر_آز_زمان_زینب
#ترکی
.
✍️ #زبدةالاشعار ✍️
.
🆔: @nohe_torki