عرض ارادت به حضرت سید الشهدا (ع)
.
✍️ زبدة الاشعار ✍️
?: @nohe_torki
.
علی پورآقا (عُلیَوی)
.
وصف ائدم شاه شهیدانی زمانلار کم گلر
گر چکم تصویره اوصافین مکانلار کم گلر
.
نور تک عشق حسینی گر یاییلسا عالمه
مشرق ومغربده سغماز کهکشانلار کم گلر
.
داغلاری اوستوسته قویسون پله تک گتسون گویه
چیخماقا بام حسینه پله کانلار کم گلر
.
بیر شهنشهدور دئسم گرملکینون اندازه سین
کهکشانلار شرم ائدللر آسمانلار کم گلر
.
گر قرار اولسا او شاهین قصری گلباران اولا
دنیا گلزار اولسا آزدی باغبانلار کم گلر
.
گر قیاس ائتسم اونون سائللریلن آیریسین
شاهلر،سلطانلر،ارباب و خانلار کم گلر
.
مدعی فکر ایلمه یتمیش ایکی سربازی وار
لشگرین جمع ایلسون گر پادگانلار کم گلر
.
قهرمانلار قربان اولسون قهرمان عباسینه
شأنیجک قربان کسیلسه قهرمانلار کم گلر
.
رخصت پیکار ئوزی شه وئرمدی قارداشینه
یوخسا بونلان جنگه چخسا پهلوانلار کم گلر
.
مدعی چوخ سوئلمه بسدور عزا و مرثیه
فاش اولا اسرار اگر دلده توانلار کم گلر
.
کل عالم روضه خوان اولسا او مظلوم رهبره
تک وداع سینن اوخونسا نوحه خوانلارکم گلر
.
چوخ دئمه بیر بیله مطلب کربلاده اولمادی
ماجرا فاش اولسا گر شرحین یازانلار کم گلر
.
گئت یاپیش سن دامن خواننده و رقاصه دن
روزگاره دامن حقی دوتانلار کم گلر
.
بیز حسینون عشقینی کل جهانه وئرمروک
آری قیمت قویسالار چونکه جهانلار کم گلر
.
#حسینیه_مدح
#وصف_ائدم_شاه_شهیدانی_زمانلار_کم_گلر
#علیوی
#ترکی
.
✍️ #زبدةالاشعار ✍️
?: @nohe_torki
نظر دهید