زبدةالاشعار

ولایت سیرینون رسم و طریقی کجمدار اولماز #صادقیه_مصیبی_تبریزی

حالات و شهادت حضرت امام جعفر صادق علیه السلام
#گریز به #دفن_شهدا
.
.
.
محمد علی مصیبی تبریزی

.
ولایت سِیرینون رسم و طریقی کجمدار اولماز
بو یولدا کیم قدم وورساحقیقت دن کنار اولماز

.
کمال حقه قرب کردگاره یول ، بو یولدان وار
هویدا ذاتِ مکنونِ نگاره یول ، بو یولدان وار
لدُنّی دانش هشت و چهاره یول ، بو یولدان وار
بو درگاهه یوزون سورتن ئولونجه شرمساراولماز

.
بو گولشنده آچان گولده هویدا عطر جنت وار
خزان یوخدور وزان بادصبادن استعانت وار
عداوت یوخ طراوت واردی غارت یوخ لطافت وار
بو گلزارین گولی خار مغیلانه دچار اولماز

.
کمالین سیرینه حق فتح ائدوب بیرباب خوش منظر
تقرب تاجینی ایلوبدی زیبِ رأس پیغمبر
دوزوب دُرج ولاده رشتۀ نظمه اون اوچ گوهر
زمرّد رنگ تاجه جز شرف نقش و نگار اولماز

.
شریعت شاهراهی آیریلوب یتمیش ایکی راهه
اولوب یتمیش بیری راه تباه و خوف و بیراهه
بو یتمیش بیر یولون رهروسی دوشموش عاقبت چاهه
پیمبردندی ؛ «جز شیعه بقیه رستگار اولماز»

.
سوزوم یوخ وامدار شیعیان دور یل یل غالب
وجودی بانی مکتب علی بن ابیطالب
ولیکن نام جعفردور ولا تندیسینه قالب
کی صادق سیز ولایت ئولکه سینده اقتدار اولماز

متن پیشنهادی:  بو گجه گلدی ولایتدن سُلال حیدری #عسکریه_عدلی_تبریزی

.
تاپوبدور صادقِ آل عبادن اعتلا مذهب
وجودی رونق طاعات و خطّ قائم مکتب
اودورصاحب،لدُنّی علمه،خوش مَسلک اوجا منصب
همان علمی که ترویج اولماسا دین پایدار اولماز

.
سالارمش شعشعه شمس جمالی یثربه هرآن
اولارمش نور رحمت طلعتیندن عالمه تابان
پیمبرتک جمال بی نظیری طالع و رخشان
بَیاض طلعتیندن صبح صادق تیر و تار اولماز

.
ائدوب دوت میندن آرتوق پرورش شاگردبس پرشور
اَبان و صیرف کوفیّ و صفوان و ابی یعفور
سرآمد علم و تقواده ابوحمزه ثمالی دور
بو آدلار واردی تا ، علم آشیانی خاکسار اولماز

.
همان یاده سالان راز و نیازی شخص طاهانی
گوزونده التجا یاشی پوزان امواج دریانی
خدنگ تیر علمیله یاران قلب اشدّانی
جهالت تورینه علّامۀ عالم شکار اولماز

.
ائدوب ارشاد خلقی کلمه کلمه علم و حکمتله
سیاسی رنگ تاپدی مجلس درسی ولایتله
قیام ائتدی سِلاح علمیله اوج مهارتله
بیلوندیردی کی دانش ،دینیدن بیرآن کناراولماز

.
صداقت نوری قلبیندن دل آفاقی یاندیردی
دگوبدور طاقِ طاغوتین بئلین ظلمتده سیندیردی
رموز دینی فاش ائتدی کج اندیشانه آندیردی
خزان عمر طاغوتِ زمان اصلا بهار اولماز

.
بیلوب منصور تا وار جعفرآدی ایش مشقت دور
اونون آزاده لیق درسی کلاسِ درس امت دور
ولایت بزمینه تاواردی صادق، آدی زینت دور
ایاقدان دوشمَسه رکن خلافت برقرار اولماز

متن پیشنهادی:  ئولورم باشیم اوسته تئز گل #حضرت_ام_البنین_آذرین_خلخال

.
گوروردی گون به گون عشقی ئورکلرده نمایاندور
او گلشن کی نهال عشق صادق واردی رضواندور
آلان تاثیر دم اوندان بیلور هر درده درماندور
امامین پوزماسا نقشین تمامت اقتدار اولماز

.
اراده ایلیوب بش دفعه پیک رحمتی ییخسون
قلوب عاشقان وامدار شیعه نی سیخسون
ولایتلن یازیلمیش سینیه وُرسون ایاق چیخسون
ولی اعجاز حقّ اولسا بو ایشلر سازوکار اولماز

.
سپهر عمر صادق خلقته تابنده ماه اولدی
دیئنمز کیمسه ذرّه عمر پُرباری تباه اولدی
محاقه دوشجاقی منصورِ دوران روسیاه اولدی
بیلوندی آل طاها تک جهانداجان نثار اولماز

.
طریقِ معرفتده گئچدی مولا عزّ و جاهیندن
فنا وادی سینی آتدی بقا آلدی الاهیندن
شهادت جامینی ایچدی ، آخان عزّت نگاهیندن
کی خوان عیشیدن زهرانین اوغلی ریزه خواراولماز

.
نه دن چرخ زمانه دوشمیوبدور چرخ وگردیشدن
هزار افسوس منصور دوانیقی گورن ایشدن
وئروبدورزهرکین، دوشسون ولا تندیسی ارزیشدن
ولی دریای عزت زهر کین دن بی قرار اولماز

.
امامه جبراً امر اولدی نه بیر جای تامّل دی
ائدوب انگور سمّی دن تناول حالتی صولدی
امام و تاجدار مکتبه آخر اولان اولدی
مآل کار عاشق گرچه بیر آن ناگوار اولماز

متن پیشنهادی:  باشیمه دوشدی گینه شوق هوای کربلا #کربلا_شانی_تبریزی

.
کُلینی دندی ؛ تا صادق وئروبدور جانی جانانه
عزاسین دوتدولارعزّتله شهر اولدی عزاخانه
کفن بُرد یَمانی دن اولوب حاضر او سلطانه
پیمبرزاده نین بزم عزاسی ذرّه خوار اولماز

.
ولی جانلار فدا جدّی حسینه شاه عطشانه
قالوب گونلر قباقینده دگوب گون جسم عریانه
گلوبدور اوغلی طَـیّ الارضیله اول قانلی میدانه
امامین دفنینه غیر امامه انتظار اولماز

.
دولان قانیله میدانی دوتوب باشدان باشا اجساد
کفن آختاردی تاپسون تاپمادی شاهنشه اوتاد
آتا نعشین بوکوب کهنه حصیره دفن ائدوب سجّاد
هاچان بو وضع غمباری گورنلر اشکبار اولماز

.
تاپوب صونرا علیّ اکبرین نعشین او آزاده
آتادان آیری سالماقین روا بولموب دی دنیاده
اونی پایین پای شاهیده دفن ائتدی شهزاده
دئدی تاواردی دنیابیله شش گوشه مزار اولماز

.
یازوبدور قبرین اوستونده بوقبر شاه عُظمادور
سوسوزجاندان گئچندورسینه سی هرچند دریادور
یاتان توپراقلار آلتیندا عزیز قلب زهرادور
بو یرده اولماسا قان گوزیاشون،حقّی ادا اولماز

.
«مُصَیّب» صادق آل عبادن عزّ و جاه ایسته
ئورک دردین دیوب سوزدل ایسته اشک وآه ایسته
او مولادن برات قتلگاه و خیمه گاه ایسته
حسینون زائری دنیا و عُقباده فِکار اولماز

.
#صادقیه_مدح
#صادقیه_شهادت
#ولایت_سیرینون_رسم_و_طریقی_کجمدار_اولماز
#مصیبی_تبریزی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی