وورمیسان شامه عجب پرچم ارشاد خانم #زینبیه_کریمی_مراغه_ای

توسل به حضرت زینب (س)
.
✍️ #زبدةالاشعار ✍️
.
🆔: @nohe_torki
.
کریمی مراغه ای
.
وورمیسان شامه عجب پرچم ارشاد خانم
نه گوزل مکتب آچوبسان ائوون آباد خانم
.
.
گرک البته حسینین باجیسی زینب اولا
عفّتی عصمتی شخصیّتی زین اب اولا
پایتخت اُموی ده حرمی مکتب اولا
هر گلن کاخ یزیدین باخا ویرانه سینه
یوز قویا زینب مظلومین عزاخانه سینه
.
.
ائوون آباد خانم رتبه وی ممتاز ائلدون
عالم عشقده عشّاقی سر افراز ائلدون
صبری شرمنده ائدوب واقعاً اعجاز ائلدون
آتاوا اولمادی ممکن قویا شاماته قدم
سن ووروبسان دل سوریه ده فتحیله علم
.
.
هانسی دکتردی مطبّی تاپا بیر بیله رواج
هانسی خاتوندی اولا درگهی ینبوع نتاج
چاره سیز درده خانم شامده سندندی علاج
سکه عشقون اقالیم ده رایجدی خانم
ناامید ائتمه قاپون باب الحوائجدی خانم
.
.
نه مطبّون ویزیتی نوبه گئجه گوندوزی وار
نه طبابتده سنه بیر جه طبیبون سوزی وار
سن علینون قزیسان سنده جهانین گوزی وار
سن خانم شامده بیچاره لرین چاره سی سن
دوشموسن ائلدن آرالی وطن آواره سی سن
.
.
شامدن واردی خانم سنده آجی خاطره لر
باملردن باشووا توکدوله کول فاجره لر
گولدولر حالوه اللرده دف و دایره لر
تیشهٔ عدل خدا ریشهٔ ظلمی کسه جاق
نقدر وار بو جهان پرچم زینب اَسه جاق
.
.
گینه گلدیم قاپووا دردیمه درمان ائده سن
ای علی نایبه سی سائلم احسان ائده سن
منی اوز سفرهٔ احسانوه مهمان ائده سن
اهل عالم سیزی مین حاتمه سرور تانیوب
هر نه اولسام منی ده زینبه نوکر تانیوب
.
.
#زینبیه_مدح
#زینبیه_شهادت
#وورمیسان_شامه_عجب_پرچم_ا_شاد_خانم
#کریمی_مراغه_ای
#ترکی
.
✍️ #زبدةالاشعار ✍️
.
🆔: @nohe_torki