یا مهدی
.
✍️ زبدة الاشعار ✍️
.
?: @nohe_torki
.
علیرضا عباسی ( احسان تبریزی)
.
ووروب هجران اوخی هر دم بو قلبه یاره یا مهدی
ساغالماز یاره سی تئز گل اوزون قیل چاره یامهدی
.
سنین دیر ملک دل غیره اودور یئر وئر مرم مولا
گوزه ل آدون دیله ازبر اولوبدور سسلرم مولا
ظهور ون تئز اولا حقدن مداوم ایسترم مولا
خصوصا جمعه یالوارام حق داداره یا مهدی
.
ایا ای حجت بر حق عالم آخرین معصوم
جهان آلوده دور کفره فضا ی دهر اولوب مسموم
یئتیش امداده قیل ظلمون داخی پرونده سین مختوم
زمانین احتیاجی وار سنین تک یاره یامهدی
.
یاخین دور صرصر ظلمیله دینین گلشنی سولسون
بو قدری قویما محنتدن دل احبابه غم دولسون
آییر گل باطلی حقدن عدالت بر قرار اولسون
عدالت سسلییر داده سنی همواره یامهدی
.
اقلیت ده دیر شیعه جهاندا دشمنی چوخدور
گل اول مظلوم لارا یاور حمایت ایلین یوخدور
قلوب اهل تقوایه دییر طعنه چنان اوخدی
نیازی چوخدور الان شیعه نین غمخواره یامهدی
.
گییب دیر اگنینه الان بیر عده خرقه ی تزویر
قویوب شیعه آدین اما عمل یوخ پوچ بی تاثیر
اوخور عجل فرج ظاهر ده تئز گل ایلمه تاخیر
ولیکن باطنآ خدمت ائدیر اغیار ه یا مهدی
.
اولوبدور چوخلاری مولا فساد و کذبه آلوده
بیر عده روزیسین تاپمور گئجه گوندوز تکاپوده
بیر عده حق خلقی غصب ائدیب دیر فکری آسوده
گتیردی مستمند انی خیانت زاره یامهدی
.
اولوبدور جامعه یکسر فساد وکفریلن همراه
حقیقت شاهراهیندن چخیب چوخلار اولوب گمراه
اوجالمیش سینه ی مظلوم لردن ناله ی جانکاه
ریا و حقه و حیله گلیب بازاره یامهدی
.
تلاش ایلیر بیر عده اگلشه تخت ریاست ده
یالان وعده وئر یر خلقه چاتا کامه نهایتده
اکیر بذر نفاق اما سوزی ملک ولایتده
بئله اشخاصی دنیاده قالا آواره یامهدی
.
بیر عده کیسه سین دولدوردی بیت المال یدن هر گون
بیری اما تاپانمور ایش قالوب آواره و محزون
عدالت نالیه گلمیش شرافتده اولوب مغبون
ولایت گلشنینده گل نشاندور خاره یامهدی
.
ائدیب سوء استفاده چوخلاری اوز جایگاه یندن
علیدن دم ووروب سفیانیانین گئتدی راهیندن
فقیرین حالینه یانمور خبر یوخ دیلده آهیندن
کسیب دیر حق محرومی ائدیب بیچاره یامهدی
.
.
#مهدیه
#ووروب_هجران_اوخی_هر_دم_بو_قلبه_یاره_یامهدی
#علیرضا_عباسی
#ترکی
.
✍️ #زبدةالاشعار✍️
.
?: @nohe_torki
نظر دهید