زبانحال رقیه خاتون در خرابه شام
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک …
.
مرحوم شهاب تبریزی
.
ویرانه ده آز قالدی چخا جانیم ای عمّه
باخماز نیه بو حالیمه جانانیم ای عمّه
.
.
آغلار یانار عمّه گوره بیگانه بوحالی
بو حالیدن اولماز بابام آیا نیه حالی
فریاد و فغانیمدن ایدر شِکوه اهالی
بس ناله چکر بو دل نالانیم ای عمّه
.
.
قویدی منی هجران شرریله یانایانه
بو سوز و گدازیمده چکیلدی اوزی یانه
بیر آهیله ایمدی سالوم اود عالمه یا نه
مخصوصیدی بیر بو اودا من یانیم ای عمّه
.
.
گوگلوم دیمورم یانماسون عمّه اودا یانسون
هر کیم منی بو ذلّته سالدی اودا یانسون
شمره سوله آز ظلم ایلسون بیر اودا یسالسون
من جانه دایاندیم اریدی جانیم ای عمّه
.
.
یکپاره وجودیمدور اولوب مجمر ماتم
بو سوزشه بو حالته بو ذلّته ماتم
بالله داخی من طالب ایّام مماتم
غم چکمگه یوخ طاقت امکانیم ای عمّه
.
.
گلمز اجلیم ساقیسی بیر باده ویریدی
صبریم که گیدوب عمریده بر باده ویریدی
یا کیمسه خبر من ایوی بر باده ویریدی
گلدى اله بو دردیله درمانیم ای عمّه
.
.
قارداش یوزینه اولموشام عمّه ائله مشتاق
بو نوعیله هرگز دگُلم بیر ایله مشتاق
دل طاقتی فکر خطی ئیلن ایلمش طاق
شاهد سوزیمه حال پریشانیم ای عمّه
.
.
شمع رخنی من کیمی پروانه دن ایلر
من یانمالیام بلمم او پروا نَدَن ایلر
پروانۀ دل یا بیله پروا نَدَن ایلر
پیدا که دل شمع شبستانیم ای عمّه
.
.
بلبل کیمی دائم هوس گلشن ایدردیم
گوگلوم آچلا زایل اولا بلکه بو دردیم
نه گلشنه یتدیم نه گل آفاقیده دردیم
پامال خزان اولدی گلستانیم ای عمّه
.
.
دنیایه شهاب هرگز اوزون ایلمه طالب
جهد ایت دوشه الدن اله یاز ایله مطالب
ذوق اهلینه بو سوز اولی گلزار مصائب
ویرانه ده آز قالدی چخا جانیم ای عمّه
.
.
.
#حضرت_رقیه_شهاب_تبریزی
#حضرت_رقیه_شهادت
#ویرانه_ده_آز_قالدی_چخا_جانیم_ای_عمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید