ویرون مژده بوگون سیز شیعیانه #زینبیه_مهدی_عبادی

مدح و میلادیه حضرت زینب سلام الله علیها
.
.
#سبک_من_عباسم_منه_دریالر_آغلار
.
.
مهدی عبادی
.
ویرون مژده بوگون سیز شیعیانه
دونوب زهرا ایوی باغ جنانه
زمان شادی و جشن اولدی یاران
گلوبدور عمّۀ مهدی جهانه
.
دیلده شور و نوا
هامی اهل ولا
قدمون مبارک
.
ایله مدح و ثنا
دینه یازینبا
قدمون مبارک
.
مولاتی یازینب مولاتی زینب …
.
.
.
بو قیز بیر آیت حُسن ازلدی
چو مرآت جمال لم یزلدی
ملاحتده بونا کیمسه تای اولماز
آناسی فاطمه مثلی گوزلدی
.
ای وفا مشعلی
صولتی چون علی
قدمون مبارک
.
روشن ایت عالمی
گون کیمی مُنجلی
قدمون مبارک
.
مولاتی یازینب مولاتی زینب …
.
.
.
نام عشق ایسته سز پاینده قالسون
گرکدور زینبین آدی اوجالسین
گر عُشّاق جهان آختارسا استاد
گلوب درس وفا زینبدن آلسون
.
دیللره ویر صفا
ای عزیز طاها
قدمون مبارک
.
بیزه قیل سن عطا
سوریه کربلا
قدمون مبارک
.
مولاتی یازینب مولاتی زینب …
.
.
.
.
بوقیز ریحانه ی باغ ولادی
جهاندا بانی بزم عزادی
بونون مثلی چتین گلسون جهانه
شریک پادشاه کربلادی
.
ای حسینه غمخوار
غم گونی پرستار
قدمون مبارک
.
آشنا و اغیار
حُسنوه گرفتار
قدمون مبارک
.
مولاتی یازینب مولاتی زینب …
.
.