پوزوبدی ظلمت عالمین بوگونده نور سرمدی #17ربیع_مبکی_تبریزی

مدح و میلاد حضرت رسول اکرم (ص)
.
✍️ زبدة الاشعار ✍️
.
🆔: @nohe_torki
.
مرحوم محمد شیخ زادگان ( مبکی تبریزی)
.
پوزوبدی ظلمت عالمین بوگونده نور سرمدی
شمیم جانفزا گلور آچوب گل محمدی
.
.
جمال انورین گورن بهشتی اتمز آرزو
تاپوبدی خلدییان بونون تجلّیسیندن آبرو
گلوب جهانه نه گلر بو ماهرو بو مشکبو
شمیم جانفزا گلور آچوب گل محمدی
.
.
یاراتمیوب نذیرینی او قدرتیله لایزال
باخان دیر بو نوریدی بشرده یوخ اونا مثال
دگول آیا گونه شبیه دِماخ غلط دی مه جمال
شمیم جانفزا گلور آچوب گل محمدی
.
.
اون اوچ وجوده فیض اولا بولوب خدا بو نورونی
اسیر عشق اولانلارین سالوب باشینا شورونی
کلیم ایتیردر اوز اوزون گورنده نور طورونی
شمیم جانفزا گلور آچوب گل محمدی
.
.
بو برگزیده منجی دورگتوردی خلد نکهتین
بوگونده پایه سین قویوب تولدنده نهضتین
اولونماز ارزیابلیق نه عزّتین نه ساحتین
شمیم جانفزا گلور آچوب گل محمدی
.
.
ایدوبدی ما سوالهی گوزل قدومی کامیاب
یخوبدی سلطنت اوین نه تخت کاخ لرخراب
سلاطین اولدی لال و مات سالوب جهانه انقلاب
شمیم جانفزا گلور آچوب گل محمدی
.
.
فروغ کبریا قویوب بو آیتینده ذوالجلال
گورنمیوبدی کیمسده بوحسن و خوئیله کمال
پوزوبدی اهل باطلین نظامینی اوخوش خصال
شمیم جانفزا گلور آچوب گل محمدی
.
.
نه گُلدی بوکه خصمه خارگُله گُل عطرینی وِرَر
گَلوبدی سوز یرینه دِ اورک آچا صبا اسر
قوتار بو جنگی ای خدا به حق سید بشر (1)
شمیم جانفزا گلور آچوب گل محمدی
.
.
بو سر زمین سنونکیدی روادی لاله گول بیته
قانا باتا جوانلاری نام و نشان لاری ایته
ویر عیدیانه (مبکیه ) بو جمعه مقصده یته
شمیم جانفزا گلور آچوب گل محمدی
.
(1) = جنگ ایران و عراق
.
.
#17ربیع
#پوزوبدی_ظلمت_عالمین_بو_گونده_نور_سرمدی
#مبکی_تبریزی
#ترکی
.
✍️ #زبدةالاشعار ✍️
.
🆔: @nohe_torki