یا مهدی
.
✍️ زبدة الاشعار ✍️
.
🆔: @nohe_torki
.
محمد علی مصیبی تبریزی
.
پیمانۀ عزته صفا مهدی دی
میخانۀ نصرته بقا مهدی دی
سالار زمانه مطلقا مهدی دی
مصداق کلام هل اتی مهدی دی
گنجینه کنز لافتی مهدی دی
خونخواه شهید کربلا مهدی دی
.
هر درد و غمه ائدن دوا مهدی دی
بیز شیعه لرین شعاری یا مهدی دی
.
.
.
طوفان بلاده سسلرم یا مهدی
احرام و مناده سسلرم یا مهدی
محراب دعاده سسلرم یا مهدی
ایوان طلاده سسلرم یا مهدی
هر ذکر و صلاده سسلرم یا مهدی
سعی اوسته،صفاده سسلرم یا مهدی
.
ذکر حرم و حِلّ و منا مهدی دی
بیز شیعه لرین شعاری یا مهدی دی
.
.
.
شأنین نئجه شاهانه دی زهرابالاسی
مد حون دیله شکرانه دی زهرا بالاسی
هجرون نه غریبانه دی زهرابالاسی
دل وصلیوه دیوانه دی زهرا بالاسی
جانلار سنه پروانه دی زهرا بالاسی
دم سنده دی عیسا نه دی؟ زهرا بالاسی
.
تاثیر دمی قلبه قوا ؛ مهدی دی
بیز شیعه لرین شعاری یامهدی دی
.
.
.
قاموس دعایه ذکر اعظم یاراشار
مهدی اگر عیسایه وئره دم ، یاراشار
قاش،حلقه سینه نگین خاتم یاراشار
سائل ، کرم و جودینه حاتم یاراشار
گویده آچا عیسی اونا پرچم ، یاراشار
ارباب زمانه دور ، مسلّم یاراشار
.
درد اهلینه ذکر دلربا مهدی دی
بیز شیعه لرین شعاری یامهدی دی
.
.
.
ای شیر غضنفر بالاسی یامهدی
نام آور خیبر بالاسی یامهدی
زمزم گوزی کوثر بالاسی یامهدی
ای نرجسین اطهر بالاسی یامهدی
معناده پیمبر بالاسی یامهدی
زهرا گولی حیدر بالاسی یامهدی
.
واللهی سلیل مرتضیٰ مهدی دی
بیز شیعه لرین شعاری یامهدی دی
.
.
.
ای لوح وثاقه باصفا عنوانیم
دنیا بویی عشقون سند رجحانیم
وصلوندی منیم غنچه،گولوم،رضوانیم
یوللاردا قالوبدی دیدۀ گریانیم
شهلا گوزیوی دولاندیر ای خاقانیم
زهرا بگنن گوزلره قربان جانیم
.
والله گوزیمه نور و ضیا مهدی دی
بیز شیعه لرین شعاری یامهدی دی
.
.
.
مهدی آدینا گلشن عزت گول آچار
گول سهلیدی هربوته ده مین سنبل آچار
خوش نغمیه بلبل بو آدیلن دیل آچار
عشاق،آقامین عشقینه مین محفل آچار
بو محفله اللرین گلوب سائل آچار
خیبر آچانین اوغلودی بو، مشکل آچار
.
هر عُقده اولا عقده گشا مهدی دی
بیز شیعه لرین شعاری یامهدی دی
.
.
.
ای محییِ دین ازلی یابن الحسن
ای وجهی پیمبر مثلی یابن الحسن
شوکت ده صلابتده علی یابن الحسن
مرآت رُخون نور جلی یابن الحسن
دینِ اسداللهه ولی یابن الحسن
طلعت ده گوزللر گوزلی یابن الحسن
.
تفسیر ظریف انّما مهدی دی
بیز شیعه لرین شعاری یامهدی دی
.
.
.
پایانه یتور فراقیوی مهدی جان
دوندر سَحره غساقیوی مهدی جان
اتمام ائله سن محاقیوی مهدی جان
گلسن بَزرم رواقیوی مهدی جان
هر گون ئوپرم ایاقیوی مهدی جان
سن قوماسان ئوز قوناقیوی مهدی جان
.
هر منتظرون سؤزی آقا مهدی دی
بیز شیعه لرین شعاری یا مهدی دی
.
.
.
دینین ائوینون عمادی مهدی دی بیلون
درد اهلینون اعتقادی مهدی دی بیلون
بیزشیعه لرین مرادی مهدی دی بیلون
فریاد وهرای و دادی مهدی دی بیلون
دیللرده کی ذکر وآدی مهدی دی بیلون
گوزدگسه وان یَکادی مهدی دی بیلون
.
بطن عمله خوف و رجا مهدی دی
بیز شیعه لرین شعاری یامهدی دی
.
.
.
ای مدّعی چوخ چالیشماجانان گله جاق
بیر گون شرف عالم امکان گله جاق
بیزشیعه لرین سروری یولدان گله جاق
بش سنّیده کی اولوبدی پنهان گله جاق
امّا بیر اوتوز سنّیده اصلان گله جاق
تا گلدی آقام دردلره درمان گله جاق
.
حقِّ شرفی ائدن ادا مهدی دی
بیز شیعه لرین شعاری یامهدی دی
.
.
.
آری او زمان کی ضعفه دوشدی ایمان
قلب ایچره دؤشندی نقشه های شیطان
هر فعل و عملده نیت اولدی عصیان
سرکرده ، سپاه کفره گلدی سفیان
اوندا دوشه جاق ولولیه کون و مکان
رجعت ائلیر دهره شریک قرآن
.
سامان دِهِ ارض کبریا مهدی دی
بیز شیعه لرین شعاری یامهدی دی
.
.
.
آری او زمان دللره طوفان گله جاق
الده آقامیز خنجر برّان گله جاق
خضر،آب حیات الده غزلخوان گله جاق
عیسیٰ آقامین بزمینه دربان گله جاق
اوچ یوزاون اوچ آلاله،ثناخوان گله جاق
فریاد ِ اَناالمَهد یه فرمان گله جاق
.
روشنگر نُه طاق سما مهدی دی
بیز شیعه لرین شعاری یامهدی دی
.
.
.
مولامیز او گون دیده سی مخمور گلر
انوار ولا سینه ده مستور گلر
طاغوت علمین ییخماقا مامور گلر
خونخواه شهیدان سلحشور گلر
اصغر قانینی آلماقا منظور گلر
زهرا ئورگین ایلیه مسرور گلر
.
امّید دل خیر نسا مهدی دی
بیز شیعه لرین شعاری یامهدی دی
.
.
.
شعرینده«مصیّب» گرک عنوان اولسون
قویما سؤزوین باغ صفاسی صولسون
یا باد خزان برگ خیالی یولسون
باخما نه دیوللر نه یازیللار نولسون
سعی ائت قدح شعریوه جرات دولسون
عشقین اودونا آلیشمیسان عشق اولسون
.
یاز خامه کِلکیوه جلا مهدی دی
بیز شیعه لرین شعاری یامهدی دی
.
.
#مهدیه
#مصیبی_تبریزی
#پیمانه_عزته_صفا_مهدی_دی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید