زبدةالاشعار

پیمبرین آلوب اطرافین آل پیغمبر #پیامبراسلام_علومی_تبریزی

شهادت حضرت پیامبر (ص) و قیاس آن با شهادت امام حسین (ع)
.
✍️ زبدة الاشعار ✍️
.
🆔: @nohe_torki
.
علومی تبریزی
.
پیمبرین آلوب اطرافین آل پیغمبر
توکلَّه گوز یاشی ایلولَّه ناله سرتاسر
.
آلور کناره گهی مجتبانی ناله کنان
اؤپور دوداقلارین ایلور سرشک چشم روان
.
دیور که محنتین ایلر اوغول منی مغموم
سنی اؤز امتیم ایلر جفائیله مسموم
.
یاخان زماندا حسینه چکور اؤرکدن آه
سرشک چشمیله ایلور گهی بتوله نگاه
.
دوتور الیندن اونون دمبدم نوازش ائدور
علی ولیِّ خدایه دؤنور سفارش ائدور
.
عم اوغلی فاطمه ریحانۀ پیمبردی
حبیبۀ حق یکتادی نور داوردی
.
بونی اؤزون بیلوسن بو ریاض جنتدی
بالامی حفظ ایله ، مندن سنه امانتدی
.
محافظت ایله زهرانی بیل وصیتیمی
نه نوعیله وئررم وئر ائله امانتیمی
.
هزار حیف که اعدا جسارت ایلدیلر
علینی ختم رُسُلدن خجالت ایلدیلر
.
آلاندا سالیمیدی نه وجدی خسته ایدی
ولیک ردّ ائلینده قولی شکسته ایدی
.
رسول ضعفده اهل و عیالی محنتده
دایاندی قابض الارواح باب رحمتده
.
ائدردیله هره بیر نوع ناله و افغان
نگوردولر او زمان بیر صدا گلور قاپیدان
.
دیور آچون قاپونی قاصدم پیامیم وار
حبیب حضورینه محبوبدن سلامیم وار
.
مریض دور بیلورم گلمیشم عیادتنه
منه اجازه وئرون بیر گلوم زیارتینه
.
ائشیتدی بو سوزی زهرا دولوب غمه اؤرگی
دوشوبدی رعشیه تیترتدی استخوان و رگی
.
جواب وئردی پیمبر مریض و حیراندی
گورنمه سن بابامی حالی چوخ پریشاندی
.
دوباره قابض الارواح ایستدی رخصت
بیلوب بو مطلبی ناگه پیمبر رحمت
.
بیوردی آچ قاپونی سرعتیله قوی گلسون
بو نوعی باخما گلور وحشتیله ، قوی گلسون
.
دایانماز هئچ قاپیدا پیشواز قیل تعجیل
ادب ملاحظه ایلور جناب عزرائیل
.
عرب دگل ملک الموتدور رسول وصال
گلوب خدا طرفندن تئز ایله استقبال
.
گلوب سلام ائدوب اولدی پیمبره همدم
ادبله عرض ائدوب ای انبیالره خاتم
.
بو نوع امر ائلیوبدی منه حق داور
که قبض روح ایلیم من اجازه وئرسن اگر
.
بیوردی خسته گوگل چون رضادی دینجلسون
ولی او قدر الین ساخلا جبرئیل گلسون
.
قارشدی بیر بیره عالم باش آچدی روح الامین
تمام قاره گیوب ساکنان عرش برین
.
ولیِّ حق باشی اوستونده باشلادی یاسین
آچوب باشین گلوب افغانه عترت یاسین
.
✔️ گریز به شهادت امام حسین
.
ولی حسینون ئولن گونده بیر کسی یوخودی
یارالی تشنه جگر دلده محنتی چوخودی
.
نه باشی اوسته گلوب شیون ایلین واریدی
نه بیر کناره سوسوز پیکرین چکن واریدی
.
واریدی خیمه ده بیر عده شیون ایلینی
ولیک مانعیدی آغلاماقه قوم دنی
.
دورانمادی باجیسی خیمه لرده ناله کنان
الی باشندا گلوب قتلگاهه دل نگران
.
قوتار «علومی» قوتار قتلگاهه قویما قدم
عزا عزای پیمبردی اود دوتوبدی قلم
.
سوزون نه اولسا دئ پیغمبرِ خدادور بو
همیشه امتینه رحمت و عطادور بو
.
گتور دیله سوزیوی عرض قیل خدای رحیم
اگر چه خیر عملدن همیشه بوشدی الیم
.
بو آستانه ده من پاشکسته بیر مورم
آدیم «حسین» دی اما «علومی» مشهورم
.
بو خدمتمیمده اگر اولسا فیضله حسنات
آتا آنامه عطا ایله وئر برات نجات
.
اؤزیمیده بولارا خاطر اهل سیر ایله
عنایتیله منی عاقبت بخیر ایله
.
.
.
#پیامبراسلام_شهادت
#حسینیه_شهادت
#پیمبرین_آلوب_اطرافین_آل_پیغمبر
#علومی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قلبونده بیر علینون ائوین چک تجسّمه #فاطمیه_کریمی_مراغه_ای

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی