پیمبر رهبرِ دین رحمةً لِلعالَمین ئولدی #پیامبراسلام_مضطر_اردبیلی

شهادت حضرت خاتم الانبیا (ص)
.
✍️ #زبدةالاشعار ✍️
.
🆔: @nohe_torki
.
مرحوم مضطر اردبیلی
.
پیمبر رهبرِ دین رحمةً لِلعالَمین ئولدی
پیمبر ئولدی یوخ فرقی امیرالمؤمنین ئولدی
.
.
بو گوندن اَیُّها الاِسلام بنای ظلم باشلاندی
دولاندی گردش ایّام بنای ظلم باشلاندی
پوزولدی رونق احکام بنای ظلم باشلاندی
پیمبر ئولدی یوخ فرقی امیرالمؤمنین ئولدی
.
.
دوشون علم و توجّهلن سوزون اوّلجه معناسین
پیمبر ئولمه سیدی گر بو گون ای ساخلیان یاسین
نه نوعی سندیراردیلار خانم زهرا قابورقاسین
پیمبر ئولدی یوخ فرقی امیرالمؤمنین ئولدی
.
.
بو گوندن دین اسلامون ائوینه رخنه لر یتدی
علی خانه نشین حقّین عدو ظلمیله غصب ایتدی
قولی باغلی ایاق یالین باش آچوق مسجده گیتدی
پیمبر ئولدی یوخ فرقی امیرالمؤمنین ئولدی
.
.
پیمبر واریکن ممکن دگولدی بیله ظلم اولسون
قزینون درگهی یانسون سارالوب گل کیمین سولسون
جفا باشدان آشوب بیر محسن آدلی اوغلی سقط اولسون
پیمبر ئولدی یوخ فرقی امیرالمؤمنین ئولدی
.
.
نقدری آی واریدی دوره ده اولدوز یریندِیدی
نقدری حضرت خاتم سلامت ئوز یریندِیدی
حسن ساق گوز حسین پیغمبره صول گوز یریندِیدی
پیمبر ئولدی یوخ فرقی امیرالمؤمنین ئولدی
.
.
حسنی تاپدیلار فرصت عدو گیزلین ایدوب مسموم
حسینی آشکار ئولدوردیلر عالملره معلوم
دیردی جان وئرن وقته اَنَاالمَظلوم اَنَاالمَغموم
پیمبر ئولدی یوخ فرقی امیرالمؤمنین ئولدی
.
.
.
#پیامبراسلام_شهادت
#پیمبر_رهبر_دین_رحمة_للعالمین_ئولدی
#پیامبراسلام_مضطر_اردبیلی
#ترکی
.
✍️ #زبدةالاشعار ✍️
.
🆔: @nohe_torki