مدح و میلادیه حضرت امام حسن عسکری علیه السلام
.
✍️ زبدة الاشعار ✍️
.
🆔: @nohe_torki
.
کربلایی محمدرضامحمدی ( ناعم )
.
پیک سعادت بوگجه مژده ی رحمت گتوروب
مژده ی رحمت گتوروب دللره بهجت گتوروب
دللره بهجت گتوروب شیعیه عزت گتوروب
شیعیه عزت گتوروب حکم شفاعت گتوروب
قاصدحق مژده ی ایام ولادت گتوروب
.
.
جامه ی شادی گیینوب باغ وچمن،ارض وسما
شوریله تبریک دیور بیربیرینه اهل ولا
شکرالیور دادگره ختم رسل دیلده دعا
عدنیده خوش مژده ویرورفاطمیه شیرخدا
فاطمه نون گلشنینه روح طراوت گتوروب
قاصدحق مژده ی ایام ولادت گتوروب
.
.
عالمه تاقویدی قدم ابن رضایعنی حسن
قلب نقی دن اوزمان کوچ الیوب دردومحن
بلبل اولوب نغمه سرا،شوره گلوب گولدی چمن
وه نه حسن،روی حسن ،موی حسن، خوی حسن
گورنه ثمر ماه ربیع، باغ ولایت گتوروب
قاصدحق مژده ی ایام ولادت گتوروب
.
.
بوحسن عسکریدور رحمتی احراره مدام
صحن وسراسینده اولان فخریله جبریل غلام
خیل ملک سینه ده ال عرض ایدورای شاه سلام
جدی امام، اوغلی امام، خلقه امام ابن امام
شانی سلاطینه مونون حالت حیرت گتوروب
قاصدحق مژده ی ایام ولادت گتوروب
.
.
گوزیاشینون قطره سی مین لولولالایه دگر
آیدان ایشیق صورتی وار، ماه دلارایه دگر
مرقدینون گنبدی مین گنبد مینایه دگر
(فاطمه نون اوغلودی بو بیرتوکی دنیایه دگر)(1)
دست خداعالمه بیرکوه وجاهت گتوروب
قاصدحق مژده ی ایام ولادت گتوروب
.
.
.
شکراولا اللهه که من حیدریم حیدریم
سایه نشین حرم محترم عسکریم
هیچ دیمورم من بوشهون بنده ی فرمانبریم
من حسن عسکرینون نوکرینون نوکریم
خلق آراعشقی آقامون چوخ منه حرمت گتوروب
قاصدحق مژده ی ایام ولادت گتوروب
.
.
.
بوحسن عسکریدورعشقیده اعجازالیر
دوزگون اولان نوکرینه باب کرم باز الیر
آدینی دوز ذکر ایده کیم، گوگلره پرواز الیر
“ناعمه”ده لطف الیوب رتبه ده ممتاز الیر
گورنجه شیرین آدی بو شعره حلاوت گتوروب
قاصدحق مژده ی ایام ولادت گتوروب
.
(1) وام از #کلامی_زنجانی
.
.
#عسکریه_میلادیه
#پیک_سعادت_بو_گجه_مژده_رحمت_گتوروب
#محمدی_ناعم
#ترکی
.
✍️ #زبدةالاشعار ✍️
.
🆔: @nohe_torki
