خواهش آب اطفال از محضرحضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
مرحوم شانی تبریزی
.
چاره قیل سوز عطشدن جگریم یاندی عمو
سوسوزوندان بالالار اود دوتوب اودلاندی عمو
.
.
خانیم عمّم حرمی الده سو جامی دولانور
تاپموری سو باخوری تشنه لب اطفاله یانور
بیله بیر تشنه لقا خوردا اوشاق گور دایانور
وار نئچه خوردا قوناقیم هامی عطشاندی عمو
.
.
شدت سوز عطشدن دوتوب اود اودلانورام
گینه بو زحمتی اوز نفسیمه آسان سانورام
لیک اوزومدن کچیک اطفاله باخاندا یانورام
العطش ناله سسیندن اورگیم قاندی عمو
.
.
بوندان آرتوخ بالالار اولما رضا تشنه قالا
گلشن ختم رسالت ساری گل تک سارالا
سو امیدیله گورورسن بو نئچه خوردا بالا
درک ایدوب خدمتوی حال پریشاندی عمو
.
.
ایلیوب واسطه بو باره ده اطفال منی
اوز دلینجه دیوری هر بیری واضح علنی
چوخ سُوَر حضرت عبّاس علمدار سنی
سن اونا عرض ائت اوشاقلار دوتوب اود یاندی عمو
.
.
منکه هیچ وجهیله راضی دگلم زحمتیوه
نیلیوم ایتدیله مجبور گلم خدمتیوه
آل بو سو مشکنی قربانم عمو همّتیوه
قدرتون وار سو گتورماخ سنه آساندی عمو
.
.
منّتین قوی منه بو زحمتین ای کان وفا
گیت فراته سو گتور قویما بولار تشنه قالا
سربلند ایله منی دختر اصحاب آرا
محترمدور بولار آخر بیزه مهماندی عمو
.
.
اولموشام تشنه لب اطفال قباقنجه دلیل
گلمیشم درگهیوه من بیر امیدیله دخیل
بیرده گئت سو گتور ائت خیمه قباقنده سبیل
سنه سقالیق آدی منصب سلطاندی عمو
.
.
واردی بو خیمه ده هانسی آنانون سودامری
اونا البته اولور تشنه لیقین چوخ اثری
آلور آغوشه بالاسین دولانور خیمه لری
آختارور سو تاپا بولمور ایشی افغاندی عمو
.
.
خاصه اصغر آناسی ایله بیر احواله قالوب
اونون احوالی منیم طاقتیمى الدن آلوب
بالاسی غنچه زمانی ساری گل تک سارالوب
اوزی بیر بلبل بیدل کیمی نالاندی عمو
.
.
گه سالور اصغری گهواریه بیچاره رباب
ساکت اولمور دوتور اوز گویلره با چشم پرآب
عرض ایدیر یا رب عطشدن بو بالام اولدی کباب
بالادا نطق یوخ اما آنا گریاندی عمو
.
.
#فرات #شانی_تبریزی
#شب_عاشورا
#چاره_قیل_سوز_عطشدن_جگریم_یاندی_عمو
#ترکی
.
✍️ #زبدةالاشعار ✍️
.
🆔: @nohe_torki
نظر دهید