سرود ولادت نبی اکرم
.
✍️ #زبدةالاشعار ✍️
.
🆔: @nohe_torki
.
#سبک_دولدوروب_جهانی …
.
سیفی اردبیلی
.
چخدی ماه رحمت برج انبیادن
روشن اولدی عالم نور مصطفادن
مژده ای مسلمانان
گلدی ناشر قرآن
گوزلر آیدین اولسون
.
.
تاپدی چون تولد خاتم رسالت
شاخدى نُه رواقه نور معنویت
ظاهر اولدی حقدن پنجه ی عدالت
ظالمان دوران دوشدیلر قوادن
مژده ای مسلمانان
گلدی ناشر قرآن
گوزلر آیدین اولسون
.
.
یُمن مقدمیندن فرشه وئردی زیور
البشاره گوگده سسلنوب ملکلر
سرّ ماخلقدور بو گوزل پیمبر
خلقه اولدی اعطا دست کبریادن
مژده ای مسلمانان
گلدی ناشر قرآن
گوزلر آیدین اولسون
.
.
ایلیوب مورخ بو سؤزی کتابت
آچدی گوز جهانه تا رسول رحمت
باش قویوب ترابه ایلدی اطاعت
شاکر اولدی حقه دولت ثنادن
مژده ای مسلمانان
گلدی ناشر قرآن
گوزلر آیدین اولسون
.
.
روی دلگشادن مات اولوب عوالم
تیتردی قُصور و خانه ی مظالم
برهم اولدی بطلان حق اولوبدی حاکم
ظاهر اولدی معجز ختم الأنبیادن
مژده ای مسلمانان
گلدی ناشر قرآن
گوزلر آیدین اولسون
.
.
مَفخر خلایق اُمّتون پناهی
آچدی مقدمیلن حقه شاهراهی
سیندی پای ظلم فرقۀ مَناهی
دست دادخواه و معدلت نمادن
مژده ای مسلمانان
گلدی ناشر قرآن
گوزلر آیدین اولسون
.
.
خیمه قوردی دهره تا او ماه پرنور
غیبیدن چالندى خلق عالمه شور
زنده باد قرآن محو اولا زر و زور
دوشدی جور و ظلمون سکه سی بهادن
مژده ای مسلمانان
گلدی ناشر قرآن
گوزلر آیدین اولسون
.
.
جلوه لندی یرده تا که سرّ لولاک
گلدیلر سروره ساکنان افلاک
غنچه لر چمنده ائتدی سینه سین چاک
نغمه وردی بلبل یار دلربادن
مژده ای مسلمانان
گلدی ناشر قرآن
گوزلر آیدین اولسون
.
.
هم دوادی درده هم رجا مُحَمَّد
قبله ی جهاندور دلرُبا مُحَمَّد
سنده بوردان ایندی سسله یا مُحَمَّد
عیدیانه وئرسون دست با سخادن
مژده ای مسلمانان
گلدی ناشر قرآن
گوزلر آیدین اولسون
.
.
#17ربیع_سیفی_اردبیلی
#پیامبراسلام
#چخدی_ماه_رحمت_برج_انبیادن
#ترکی
.
✍️ #زبدةالاشعار ✍️
.
🆔: @nohe_torki
نظر دهید