شهادت حضرت امام حسن مجتبی (ع)
.
✍️ زبدة الاشعار ✍️
.
🆔: @nohe_torki
.
لاادری
.
چوخ آغلیوب آغلاتما بو نالانی حسینیم
غرق ایلمه اشکونله بو نالانی حسینیم
.
اگلش باشیم اوستونده تلاوت ایله قرآن
تا جان ویریم آسوده اولوم لحنیوه قربان
.
.
آخر نفسیمدی منیم ای شمس هدایت
جدیمدن آتامداندی برادر بو روایت
چوخ آغلاما اگلش یره بو آخر ساعت
نار غمون هر قلبلری یاندراجاقدی
دنیا نقدر واردی سنه آغلیاجاقدی
.
.
قارداش سارالان رنگیمه ایتدوقجا نظاره
گوز یاشیوی حسرتله بیله توکمه عذاره
ویر تسلیت اطفالیمه بو خرد و کباره
صبر ایله بیله باتما غم و یاسیمه قارداش
مندن سورا سنسن آتا بو قاسمه قارداش
.
.
گلمه باشیم اوستونده بیله شیونه قارداش
باخدیقجا ابالفضلیله زینب سنه قارداش
آغلولا بو حالتده یتور غم منه قارداش
حالیم پوزولور یوز ویروری آیری بیر حالت
بو موسم هجرانیده بو آخر ساعت
.
.
بسدور بو سعادت ویریرم جان سنه قربان
باشیم دیزون اوستونده عزیزانه خرامان
ایستکلیلریم دوره ده محزون و پریشان
اما سن ئولن وقته سوسوز کرب و بلاده
بیر شمر اولاجاق بیرده سن اول دشت بلاده
.
.
یوخدور غمیم ئولسمده اگر آغلیانیم وار
زینب کیمی بیر گوزلریمی باغلیانیم وار
دورمده سنون تک سینه سین داغلیانیم وار
افسوس ایدورم لیک سنه آغلیان اولماز
بیر کیمسه گلوب گوزلریوی باغلیان اولماز
.
.
قارداش بو وصایانی سنه ایلورم اعلان
مانع اولاجاق دفنیمه بیر جمعیله مروان
صبر ایت نقدر ظلمیده گر ایتسله طغیان
عباسیمی قویما آلا شمشیر اله قارداش
غیضیله او مأواده سالا ولوله قارداش
.
.
آگهدی منه شورش و غوغا قوراجاقلار
غملو دلوزی ظلم اودنا یاندراجاقلار
تابوتیمه هر سمتدن اوخلار ووراجاقلار
راضی دگلم جنگ ایده عباسیم او یرده
قانلار توکوله خوفه دوشه قاسم او یرده
.
.
گر ذلتیله دفن اولارام اؤز وطنمده
اولماز ولی سانسیز یارا قارداش بدنیمده
عزّتله اولار غسل و مزار و کفنمده
اما سنی جور و ستمیله یوراجاقلار
عریان بدنون گونلر ایونده قویاجاقلار
.
#حسنیه_شهادت
#چوخ_آغلیوب_آغلاتما_بو_نالانی_حسینیم
#حسنیه_لاادری
#ترکی
.
✍️ #زبدةالاشعار ✍️
.
🆔: @nohe_torki
نظر دهید