زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
مرحوم مبکی تبریزی
.
چوخ شاکرم بولطفه باباکردگاریدن
قورتاردی وصلویله منی انتظاریدن
.
صبح و مساده سندن اوتؤر گوزیاشیم آخوب
تیره اولوب ایشیق گونوزوم لیل تاریدن
.
یالوارمشام صبا یلینه هر اسنده من
ویردی وصال مژده سنی غمگساریدن
.
گوندوز گونه گجه دئموشم آیه دردیمی
اوزموشدوم ال سنونکیمی والاتباریدن
.
دیواره قویمشام یوزیمی ایتمشم فغان
اشکیم گچوب خرابه ده ابر بهاریدن
.
دائم دیردیم هاردادی یارب غریب آتام
کسمیش علاقه نرگس چشم خماردن
.
دمساز ایدوب فغان نوائیله فرقتون
خونین دلم غم و الم انزجاریدن
.
ائتدیم سنی بوجمع پریشانیدن سراغ
ایتموبله حالی بیرجه غمی ناگواریدن
.
گلدن بولوبله آیری دوشوب بلبل حزین
نازلی رقیه ظلمیله باب کباریدن
.
بو قاره معجریم بو لباسیم قوری یریم
اولموش بیان حال یوزه قونموش غباریدن
.
سرویم سنوب ائلیم قریلوب گلشیم سولوب
گلزاریمه سو وئرموب عدو چشمه ساریدن
.
آلدون شکسته گوگلمی مذبوح باشیله
بولدون سالوب فراق غمون اختیاریدن
.
شاباش ایدم گرک باشیوا نقد جانیمی
آرتوخ اولا نثار دُر شاهواریدن
.
بو گلماقین اگر چه اولوب عین مقصدیم
سونموب شرار غم بو دل داغداریدن
.
عطرون دولوب خرابیه مشک و عنبر تک
گوگلوم آچلموری قوتولام تا فشاردن
.
دنیا گینه گوزومده منیم تنگ وتار اولوب
هیچ گورمدیم وفا بو سیه روزگاریدن
.
نسگیل اولوب منه سنیدون شاه ماسوا
پیشواز اولونادون چخوب ایشلر قراریدن
.
لشگر گرک دوربدی نظامیه ال اوسته ال
عشقون توان آلیدی دل تابداریدن
.
اشرافلر کسیدیله قربان قدم دم
اعزاز ایدیدیلرهاموسی تاجداریدن
.
تشریفویله لازیمدی شکری لم یزل
شوریله خلق ایدیدی گوزل اختیاریدن
.
ناله منیله وار اولا ویرانه کاخ زر
غمدن قوتولماقی تاپارام احتضاریدن
.
عکس العمل نشان منه وردی بوچرخ دون
بیحدّ اینجدیم او جفا کجمداریدن
.
چوخ آغلادوم یارالی باشون ویردیلر منه
صبر و قرار آلندی دل بیقراریدن
.
بیر آزقاباق که سن منی آلدون قوجاقوه
جسمون دگولدی یاره دوریدیم کناریدن
.
لطفیه باشیما دیزون اوسته چکردون ال
سوز غمی آلاردی دل زخمداریدن
.
اوپدوم الون آیاقین اوپم اولمادون رضا
لطفون چوخ اولدی کامه یتیشدیم نظاریدن
.
باخدوقجا گل جمالیوه قلبیم صفا تاپوپ
خوشحالیدیم او منظرۀ چین نگاریدن
.
قان آغلیام سزادی یوخیمش او گوردوقوم
غم چکمز ال بوبی کس و زار و فكاریدن
.
بیدار اولان کیمی دولاشوبدی او عالمیم
یوخدور اثر او عزّت شان و وقاریدن
.
راس مطهّرون که بیله باغریما باسوب
یانّام یتوبدی یاره شقی نیزه داریدن
.
جان ویرموسن سوسوز بو اولوب شوم واقعه
معلومدور بو لعل لب خونفشانیدن
.
هانسی شقی بو نوعیله قویدی منی یتیم
باشون كسوب آخوبدی قانی زخم کاریدن
.
بو حاله کیم سالوب باشوی مهربان بابا
خونین جگر اولوبدی غم بیشماریدن
.
آلنون یارا دوداق یارالی حنجرون یارا
حیرتدیم نجه من اؤپوم گعذاریدن
.
تیر جفا شکست ایلیوب جام قلبیمی
پاره بو مه جبینه یتوب سنگساریدن
.
نمرود اوخون خدایه طرف کوفیان آتوب
قورتولماسون گوروم اولاری گیر داریدن
.
طعن و شمادته دل آچوب شام قیزلاری
فاتح گلوب آتالاری چون کارزاریدن
.
عباس عموم هانی اله شمشیرینی آلا
رفع نم ومحن ایده بو اشکباریدن
.
یالقوز نیه گلوسن علی اکبر هاردادی
شام اهلی یوخسا آیری سالوب یاری یاریدن
.
قاسم نولوب آناسی اوغول وای دیر یانور
بی اختیار اولوبدی عروس آہ و زاریدن
.
آرامنی آناسون آلوب اصغرین غمی
گوردوقجا سود امر اوشاق یانوری آه و زاردن
.
سینه لرین آلوب الینه وای اوغول دیر
سرحد صبرین ایتدی خراب اشگ جاردن
.
چوخ ایستری گوگول آنام آغلار من آغلارم
طاقت آلور فراقی دل سنگ خاریدن
.
منده اورکلوب آناما باخدیم آغلادیم
لای لای دیدیم قالوب اثر اصطباریدن
.
وار خواهشیم کسمه داخی مندن الفتون
کسسن سراغمی آلاجاقسان مزاریدن
.
بلبل کیمی قفس اریدوب جسم و جانمی
دوشموب یولوم نه گلشن و نه شور زاردن
.
زندان کوفه دن بورا قول باغلی گلمیشم
وحشتدیم او زجر کیمی نابکاریدن
.
بیر سلسله اسیر بلا بند سلسله
تنگه گلوب بو بزم غم افزا و خواریدن
.
ای عالمون پناهی پناهندیم سنه
قورتارگلن بو غملی بلالی دیاریدن
.
شهزادیم قوری یر اولوب مسکن آغلارام
سنسیز سالوب زمانه عجل اعتباریدن
.
نازیله بسلنن قیزووام صورتیم سولوب
ظاهردی غم غباری سر مشگباریدن
.
نصف اولدی شب بابا گل یوز یوزه قویاخ
گل تک دیوم او بلبلیمه جور خاریدن
.
شمرین شقاوتین باباجان گورموسن اوزون
آرتوخدی بغض و کینه سی قوم شراریدن
.
ویرسم نشان یوزده کی سیلی یرین سنه
ال چکمه سن جزاده او بی ننگ و عاریدن
.
گور عمه می بابا تانوسان قدّی خم اولوب
قوم عدو سالوب بی بیمی اقتداریدن
.
ابن زیاد بدر و حنین انتقامینی
آچسون چالشدی دختر شیر شکاریدن
.
گه ناسزایه آچدی دیلین گه شمادته
حضّار دوشدی حیرته اول شرمساریدن
.
حق قتلدن قوتاردی بلا کانی عمه می
کبریله چخدی مجس شرب و قماریدن
.
گنجینۀ وفادی تاپورلماز اونا مثال
ایتمز گلایه قوم شقاوت شعاریدن
.
عمم انام باجیم بو حریمان عصمته
هر نوع درد و غم یتشوب رهگذاریدن
.
هر کیم یتوب ووروبدی بیزه دیل یاراسینی
شرم ایتمیوبدی قهر خدا سوز ناریدن
.
سندن بابا دونوبدی بو یر باغ جنته
درد و بلا یتوبدی بیزه سمت چاریدن
.
به به عجب بو منزل اولوب خانقاه عشق
یول سالسا مبکی حاجت آلار ذات باریدن
.
.
#حضرت_رقیه_مبکی_تبریزی
#حضرت_رقیه_شهادت
#چوخ_شاکرم_بو_لطفه_بابا_کردگاریدن
#ترکی
.
✍️ #زبدةالاشعار ✍️
.
🆔: @nohe_torki
نظر دهید