زبانحال حضرت مسلم (ع)
.
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم غمکش
.
چوخ چتین اولدی دیار کوفه هرآن مسلمه
ظلم ائدیبدی اهرمنلر قوم عدوان مسلمه
.
.
وار یئری بو غمده قلبی لخته قانیله دولا
گل یوزی پرپر اولان لاله مثالی تئز صولا
باخدی حسرتله گوزی غربتده باغلانموش یولا
چوخ خیانت ائتدی کافر خانه ویران مسلمه
.
.
بیر نفر حیف اولمادی طوعه کیمون أول شهریده
مسلمی یا که ائوینده بیر گئجه مهمان ائده
محضر طاهایه محشرده برازنده گئده
مشکل اندر مشکل اولدی سینه سوزان مسلمه
.
.
حیف اولا نااهل اولوبدی طوعه نین اوغلی اودم
ابن مرجانه خبر وئردی او دم شوم و ستم
میزبانلار میهمانین حالینی ووردی بهم
ائتمدی رحم و مروت نامسلمان مسلمه
.
.
طوعه جریانی بلوبدی ایلدی آه و نوا
یوز دوتوبدی مسلمه سسلندی ای مظلوم آقا
ائتدی شرمنده منی سندن دیدی قوم دغا
جان عالملر اولا دنیاده قربان مسلمه
.
.
بیلدی اشرار و منافق جایگاه مسلمی
ایلدی مسدود دشمن تا که راه مسلمی
آلدى یكسر اهل کوفه جان پناه مسلمی
اولدی محشر کوفه ده اوندا نمایان مسلمه
.
.
تنگ اولوبدی کوچه لرده أول سفیره کارزار
اولدی معناده علینون روحی بسکه سوگوار
اوخ ووران نیزه ووران دورت سمتیده مرکب سوار
جنگ چکدی شعله اوردا بیلمه آسان مسلمه
.
.
نعره چکدی الده شمشیریله امّا قوم کین
انحصاره دوشدی انگشتر قاشیندا چون نگین
مسلم اوضاعی گورنده دیلدن اولدی خشمگین
معبری سیندیردی احسن سسله سن جان مسلمه
.
.
دشمنه حمله ائدیبدی شیر حی دادگر
الده تیغی گلدی جولانه باشی اوسته سپر
دشمن بی آبرو که ائتدی احساس خطر
کوچه و بازار اولوبدی قانلی میدان مسلمه
.
.
هر یانا یوز دوندروبدی سهملی بیر شیر تک
کوفه نین أهلی قاچوردی گلّه ی نخجیر تک
صف قیریلدی دل پوزولدی صحنده زنجیر تک
جنگ جولر یالواروب سر بر گریبان مسلمه
.
.
ساق صولا دوندی قلیج الده او دم حیدر کیمی
دلده تكبیری اوجالدی فاتح خیبر کیمی
گوزلرین قان آلدی بیر آزاده سرلشگر کیمی
سسلدی عباسی امداده گلوب جان مسلمه
.
.
قازدیلار گودال مکریله سر راهینده گر
دوشدی گوداله او پور مرد حقّ پر هنر
تئز کمند آتدی اونی دوتدی سپاه فتنه گر
یاغدیروبلار دورت طرفدن تیرباران مسلمه
.
.
چکدیلر دار الاماره سمتینه دشمن اونی
آغلیار دلدن یانار اهل عزا گورسه اونی
«غمکشا» یاز ایسترم فریادیمه هردم اونی
من گوز آچدیم عالمه تئز گتدیم ایمان مسلمه
.
.
روضه سی چوخ غملیدی گوز آغلیار سینه یانار
هانسی بیر کیمسه غریبون قلبی غمله داغلانار
کوچه لرده نعش مسلم تک یاخیندان اوخلانار
یانمادی اطرافیده بیر نامسلمان مسلمه
.
.
چوخ مؤثر اولدی دلده درد غربت حیف اولا
تنگه دوشدی روح پاکی وامصیبت حیف اولا
بعد پیغمبر دولاندی یکسر امت حیف اولا
کوفه نین اشراری یكسر ائتدی طوفان مسلمه
.
#چوخ_چتین_اولدی_دیار_کوفه_هر_آن_مسلمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید