زبدةالاشعار

چوخ یوروب غم لر بتولی منده وار آثار رحلت #فاطمیه_عدلی_تبریزی

زبانحال حضرت زهرا سلام الله علیها
.
.
#سبک_گلپونه_ها
.
#عدلی_تبریزی
.
چوخ یوروب غم لر بتولی
منده وار آثار رحلت
یوخدی فرصت
.
گل باشیم اوستونده اگلش
ایله قرآنی تلاوت
ایت محبت
.
اوز بابام دعوت ایدوبدی
جنّته مهمان عم اوغلی
اول مواظب دورت بالامدان
من سنه قربان عم اوغلی
جان عم اوغلی جان عم اوغلی
.
.
.
.
.
بلبل ایستور آیری دوشسون
باغبان و گل چمندن
هم وطندن
.
آز قالور چخسون بتولون
غصه لی روحی بدندن
جسم و تندن
.
دویمادی زهرا عم اوغلی
هم حسیندن هم حسندن
بیرده سندن
.
سینه دن اوغلوم حسینه
ویرموشم شیر شجاعت
تا قیامت
.
ایلسین تا کربلاده
عشقینی عنوان عم اوغلی
نهضتی عالم گیر اولسون
اسمی جاویدان عم اوغلی
جان عم اوغلی جان عم اوغلی
.
.
.
.
.
سینمه دوشدی شراره
درگهیم اوددا یاناندا
من قالاندا
.
هر غم و آلامه دوزدوم
من عم اوغلی آز زماندا
غم یاغاندا
.
موج طغیانه سیخیلدیم
حقووی دشمن داناندا
حق آلاندا
.
چکموشم امت الیندن
من جفالر بی نهایت
باب رحمت
.
ال گوتور دل آچ دعایه
جان ویروم آسان عم اوغلی
حق قبول ایلر دعاوی
ای شه دوران عم اوغلی
جان عم اوغلی جان عم اوغلی
.
.
.
.
.
روحیمی ایلوبدی خسته
یا علی دست عداوت
هم شماتت
.
یورش ثانیدی باعث
محسنوم تاپدی شهادت
هم سعادت
.
عازم عقبادی زهرا
آخره چاتدی بو وصلت
هم قرابت
.
طالب درک حضورم
گل غنیمت دور بو فرصت
ایت کرامت
.
گل ایداخ صحبت حسیندن
بو دم هجران عم اوغلی
ویر منه آرامش روح
اولمیوم گریان عم اوغلی
جان عم اوغلی جان عم اوغلی
.
.
.
.
.
اینجیموش اولسان حلال ایت
دردیمه محنت گورنده
غم چکنده
.
وار تمناسی بتولون
غسلومی گیزلین ویرنده
سو گزنده
.
خارج ایتمه پیرهن قوی
تا قالا یورقون بدنده
جسم و تنده
.
قبره قویدون گتمه صبر ایت
تا دوتام قبریله الفت
کان رأفت
.
گیزلین ائت بودفنی قالسون
حشره تک پنهان عم اوغلی
صفحۀ تاریخه یازسون
امت دوران عم اوغلی
جان عم اوغلی جان عم اوغلی
.
.
.
.
.
ئولمیوب زهرانی « عدلی »
ئولدوروب اهل شقاوت
بی دیانت
.
فاش ایله ظلم عدونی
وار نقدر فرصت فراغت
ایله همت
.
یاز بو ایام وفاتین
نوحه سین گوستر ارادت
تاپ مناعت
.
ایسته مندن هم زیارت
روز محشرده شفاعت
هم براعت
.
یاز چکور قبره بتولی
جذبه ی جانان عم اوغلی
گل تلاوت ایله قران
من سنه قربان عم اوغلی
جان عم اوغلی جان عم اوغلی
.
.
#فاطمیه_شهادت
#چوخ_یوروب_غم_لر_بتولی
#ترکی
#زبدةالاشعار

متن پیشنهادی:  گردون اجل زهرۀ زهرانی آپاردی #فاطمیه_تائب_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی