شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم #صراف_تبریزی
.
چون محبت بزمی خلوت دیر عم‌اوغلی یا علی
گل ائد‌ک صحبت غنیمتدور عم‌اوغلی یا علی
.
.
.
بیر دقیقه قویمادیم عالمده قلبین شاد اولا
درد و محنتد‌ن مبارک خاطرون آزاد اولا
چوخ اذیتلر سنه وئردیم ائوون آباد اولا
ایندی وقت رفع زحمتدور عم‌اوغلی یا علی
.
.
.
دویمادیم بو عالم الفتده سندن آغلارام
قبرده هم ایلرم شوریله شیون آغلارام
آغلاما مندن سورا سن آغلاسان من آغلارام
باخمارام فردوس جنتدور عم‌اوغلی یا علی
.
.
.
دوقّوز ایل اولدوم بو دولتخانه‌ده همسر سنه
متّصل وئردیم بو دوقّوز ایلده درد سر سنه
ایندی گل اگلش باشیم اوستونده سرتاسر سنه
عرض ائدیم نئچه وصیّتدور عم‌اوغلی یا علی
.
.
.
اَوَّ‌لاً عرضیم بودور ئولسم اگر بو گونده من
ئوز الینلن وئر گئجه غسلیم، گِجِیله ائت کفن
ویرسا ال تابوتیمه بیگانه راضی اولما سن
روحیمه آرتوق اذیّتدیر عم‌اوغلی یا علی
.
.
.
ثانیاً مندن سورا ای خسرو گردون مدار
عورت آلسان بیر نجیبه عورت ایله اختیار
غم گونی تا زینب و کلثومه اولسون غمگسار
ایلسون هر نوع حرمتدور عم‌اوغلی یا علی
.
.
.
بیرده قلبون مجتبی دن اینجیه هر آن سنین
گئچ حسینیم جانینه من جانوا قربان سنین
قویما غم چکسون خصوصا جان حسینون جان سنون
چون او جدیند‌ن امانتدور عم‌اوغلی یا علی
.
.
.
من بونون چوخ زحمتین چکدیم نه آسان بسلدیم
پرورش وئردیم گول اوسته طرفه ریحان بسلدیم
سسلینده جان دمنده جان دئدیم جان بسلدیم
چون جفاسی جانه منّتدیر عم‌اوغلی یا علی
.
.
.
بو حسینی کیم سنه تاپشیردیم ایندی رو به رو
دقّتیلن باخ نئجه وئرسم ائله آللام گرو
باش بدنده، بارماق الده، ال بیلکده مو به مو
گؤر هامی عضوین سلامتدور عم‌اوغلی یا علی
.
.
.
چوخ مکدّر اولسا وار بو سؤزده درد سر یری
یاخشی باخ سالمدی برگ گول تک آخر هر یری
نه باشیندا وار قلج نه سینه‌ده خنجر یری
نه بدن یکسر جرا‌حتدی عم‌اوغلی یا علی
.
.
.
نور دیده مدور حسین باعثدی چون گوز یاشیمه
من گوزومد‌ن سالمامیش سن تاپشیر آل هاشمه
وای او گوندن کیم گورم باشین کول اولسون باشیمه
ایستی کوللر اوسته راحتدور عم‌اوغلی یا علی
.
.
.
عاشق جانبازدور گیرم حسینیم یوخ سوزوم
منده نقد عشقی خرج ائتمکده صرّافم ئوزوم
بیر بدن دؤرت مین یارا لاکن نئجه گورسون گوزوم
گور بو انصاف و مروّتدور عم‌اوغلی یا علی
.
.
#سبک_زینبم_جان_اوستیم … 4 سبک
.
#فاطمیه_شهادت
#چون_محبت_بزمی_خلوت_دیر_عم‌اوغلی_یاعلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید