زبدةالاشعار

چون نام محمد که اولوب ختم رسالت #مبعث #ذاکر_تبریزی

در نعت و مبعث رسول اکرم (ص)
.
✍️ #زبدةالاشعار ✍️
.
🆔: @nohe_torki
.
احمد ذاکر تبریزی
.
.
چون نام محمد که اولوب ختم رسالت
پاینده اونون شرعیدی تا روز قیامت
.
اولماز او شریعتده نه تغییر و نه تحریف
حافظدى ئوز احکامنه ذات احدیت
.
اسلام اونون دینی دی قرآندی کتابی
اسلامیده دور عزّت و تقوا و شرافت
.
ناسخ هامی ادیانه اولان دین مقدس
اسلامیدی، معناسی دیانتدی، سعادت
.
عیسائیله بش یوز ایل اولوب فاصله یکسر
تا اینکه اولوب مبعث پیغمبر رحمت
.
حق منّتیله وئرمیوب هیچ نعمتی خلقه
اما بو وجودیله قویوب خلقته منّت
.
نور ازلی دور بو که نورانی یوزوندن
اشراق ائلیوب روز ازل نور نبوت
.
پیغمبریدیم من بویوروب کُنت نبیاً
اصلاً یوخودی عالم و آدمدن علامت
.
مجموع پیمبرلر اولوب پیشرو، اما
ایلوب هاموسی ختم رسوله تبعیت
.
آباء و نیاکانی اولوب طیّب و طاهر
خوش سیرت و خوش فطرت و دارای سیادت
.
اولمازدی اگر نهضت پیغمبر خاتم
اولمازدی موحّد ائده معبوده عبادت
.
دعوت ائلیوب حقّه، نشان وئردی او جمعه
ایستردیله هر نوعیله اعجاز و کرامت
.
تبلیغ ائدوب احکام خداوندی تماماً
هر کسده تا پولماز او لیاقت او فصاحت
.
سویلردی قبول ائیلیون اسلامی، مسلّم
اسلامیده دور خیر بشر، مهر و صداقت
.
سانسیز ستمه ایرمی اوچ ایل دوزدی دایاندی
اینجیدّوله چوخ حضرتی بی عاطفه امّت
.
قرآندا خدا خُلقنی تعریف ائلیوبدور
اخلاق ستودیله ائدوب خلقی هدایت
.
پیغمبر اسلامه فدا ائیلدی جانین
مولای جهاندار علی شاہ ولایت
.
آثار نبوت ابداً مندرس اولماز
احیا ائلیوب اوغلی حسین تاپدی شهادت
.
اونلاردی نمایندۀ خالق یر اوزونده
مخلوقه ائدوب امر، اولارا ائتسون اطاعت
.
معصومیدی اون دورت نفر، اونلاردی اولوالامر
فرمایش قرآن نه خبر دور نه روایت
.
ذاکر گنھون چوخدی ولی قوخما، جزاده
بسدور سنه گر بو شُفعاء ائتسه شفاعت
.
.
#مبعث #ذاکر_تبریزی
#پیامبراسلام_مدح
#پیامبراسلام
#چون_نام_محمد_که_اولوب_ختم_رسالت
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دلِ سوخته دل ها، بُوَد محفل زینب #سازگار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی