زبدةالاشعار

چکمه خنجر اولما قاتل بو ایکی نالانه حارث #طفلان_مسلم_کریمی_مراغه_ای

زبانحال طفلان مسلم (ع)
.
.
#سبک_ای_ویرن_ویرانه_یرده
.
.
مرحوم کریمی مراغه ای
.
.
چکمه خنجر اولما قاتل بو ایکی نالانه حارث
وحشته سالما یتیموق گلمیشوخ افغانه حارث
.
.
غنچه تک باد ستمدن آچماموش سولدوخ چمنده
چیخمامش صیاد الندن تازه دن دوشدوخ کمنده
بیر وفالی باجیمیز وار ایندی یول گوزلور وطنده
گل بیزی آزاد ایله باخ حضرت سبحانه حارث
.
.
ویرمیسان شدتله سیلی ظلم الیله گول یوزویمدن
ضرب سیلیدن رواندور قانلی یاش آغلار گوزیمدن
قورخودان تترر وجودیم چکمیشم ال اوز اوزومدن
ال گتور بیزدن سنی ویروخ قسم قرآنه حارث
.
.
بو ولایته غریبوخ بیر نفر یوخ آشنامیز
هم صغیروخ هم اسیروخ هم گیدوب الدن آتامیز
گوزلری یاشلی وطنده ایندی یول گوزلور آنامیز
سوز آهمدن حذر قیل باتما ناحق قانه حارث
.
.
بیز سنه آخر قوناقوخ ای لعین و کینه پرور
اکرمو الضیف بویورموش مصطفی لو کان کافر
کیم قوناقون اوز ایوینده ئولدوروب ای شوم و ابتر
ایلمزلر هتک حرمت شرعده مهمانه حارث
.
.
سن ویراندا خنجره ال قارداشیم سولدی سارالدی
تتریوب برگ خزان تک قلبیمون آرامین آلدی
لبلر اولدی پاره پاره اوزگه بیر احواله قالدی
شرم ایله دوندرمه اشگین بارش نیسانه حارث
.
.
طفل معصوموخ بیلورسن بیزده یوخ بیر ذره تقصیر
ایلیوخ هر چند شیون ایلمور قلبینده تاثیر
دوشمه چوخ جهل و عناده ویرما سیلی چکمه شمشیر
هر یتیمه رحم اولور باخ آیۀ فرقانه حارث
.
.
بو جنایتدن مرامون شاید اولسون مال دنیا
گل بیزی سات بنده لر تک قتلیمزدن ایله پروا
یا بیزی زنده آپار ابن زیاده اولما ترسا
یا خلاص ایلر او ظالم یا سالار زندانه حارث
.
.
حارثین دولموشدی از بس قلبینه بغض و عداوت
تیره گون ایتمیشدی قلبین ظلمت کفر و خباثت
بو شیرین دللر بو شیونللر بو عجز و استکانت
باعث اولدی اوز عنادنده گلوب طغیانه حارث
.
.
بولمورم نولدی گوتوردی فاطمه معجر باشیندان
قبرده مسلم جهانی غرقه ویردی گوز یاشیندان
قول بویون اولموشدی آیرلمویدی قارداش قارداشیندان
بیر جفا ایتدی سالوب اود عالم امکانه حارث
.
.
غنچه تک بیر جوت گوزل باش ساقه دن دوشدی کناره
نعشلر غرق اولدی شطه قلب مسلم اولدی پاره
ایکی قارداش سو یوزونده قولبویون اولدی دوباره
شاد اولوب دلدن باخاندا اول ایکی قربانه حارث
.
.
باشلارین گتدی او ظالم مجلس ابن زیاده
ابن مرجانه گورنده غصه لندی فوق العاده
سسلدی باعث نه اولدی بو ایشه ایتدون اراده
هانسی جرمین صاحبییدی بو ایکی دردانه حارث
.
.
آوچی جهد ایلر همیشه زنده دوتسون آو بالاسین
سن کی دوتموشدون سبب نولدی ملر قویدون آناسین
بو ایکی مظلومین آلام ایندی من سندن قصاصین
قویمارام قالسون بو کیفر محشره میزانه حارث
.
.
بو ایکی سولموش گلی شرم ایتمدون دردون بوداقدان
نیلموشدی سن نه ایستردون ایکی مظلوم اوشاقدان
اوز اوینده نه پذیرالیقدی بو ایتدون قوناقدان
باخمادون روز جزاده حق قوران دیوانه حارث
.
.
سن ایدن ظلمه بهشت عدنیده پیغمبر آغلار
عالم معناده زهرا باشدان آچمیش معجر آغلار
ناظم غمدور «کریمی» الده دائم دفتر آغلار
وار امیدی روز محشر یازدیقی دیوانه حارث
.
.
#طفلان_مسلم #کریمی_مراغه_ای
#چکمه_خنجر_اولما_قاتل_بو_ایکی_نالانه_حارث
#ترکی
#زبدةالاشعار

متن پیشنهادی:  ای گلسِتان دینه ویرن رونق و صفا #رضویه_ستار_رزاقی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی