چیخدی مدینه دن گجه سرور کائنات حسین #خروج_مدینه_رمضانی_خاکی

خروج ازمدینه
.
✍️ زبدة الاشعار ✍️
.
🆔: @nohe_torki
.
حاج روح الله رمضانی
.
چیخدی مدینه دن گجه سرور کائنات حسین
خلقت عالمه سبب شاه ملک صفات حسین
ویرن قیامته کیمی دین حقه ثبات حسین
دوشدی وطندن آیری تا دینینه صدمه یتمیه
قانیده آخسا،بی حیا یزیده بیعت ایتمیه
.
.
دوزولدی کاروان یولامدینه دن نظامیلن
کجاولرده اگلشوب حرملر احترامیلن
رقیه ناقیه مینوب امام مهربانیلن
قالان فقط مدینه ده مریضه بیر گوزل بالا
بیری یوخیدی گوزلرین اوپوب قوجاقینه آلا
.
.
اوزاقلاشوردی کاروان یواش یواش مدینه دن
چیخوردی صغرانین گویه نواسی داغلی سینه دن
او گوهر حیا جدا اولان زمان خزینه دن
علی اکبرین دوروب دالیجا باخدی آغلادی
قیتدی خالی منزله ایکی دیزین قوجاخلادی
.
.
اللر اورکده باخدی بیر قارداشی گئتدیگی یولا
حقی واریدی گل یوزی آفت غصه دن صولا
گوزلری سیل غصه دن یاز بولودی کیمی دولا
فنا جهاندا همدمی اولار همیشه گوزیاشی
سَفَرَه گئتسه باجی نین اگر وفالی قارداشی
.
.
ائلیکی باخدی اکبرین باغلی قالان اتاقینه
غصه غباری دمبدم قوندی سولان یایاقینه
تاب ایده بیلمدی او قیز ائللرینون فراقینه
گوردی اوایل قبیله دن یوخدی یانیندا بیر کسی
سالدی یادا عزیزلیگین عرشه اوجالدی ناله سی
.
.
#حضرت_صغری
#چیخدی_مدینه_دن_گجه_سرور_کائنات_حسین
#ترکی
.
✍️ #زبدةالاشعار ✍️
.
🆔: @nohe_torki