زبدةالاشعار

چیخوب سپهره فغانیم اورکده غوغادی #مسلمیه_حسین_فتاحی

در شهادت حضرت مسلم ابن عقیل (ع)
.
.
.
حسین فتاحی ( فاتح )
.
چیخوب سپهره فغانیم اورکده غوغادی
دوشوب خیالیمه بیر ماجرا غم افزادی
.
غریب یرده گوروم اولماسین بیری مغموم
چتین دی بیر یئره چاتماز اوجالسا فریادی
.
دیار غربته مهمان اگر اولا بیر کس
ائدلله حرمت شایسته اهل آبادی
.
ولی بورسمه عمل ائتمیوبدی کوفه لیلر
امام نایبینی تک قویوبلا تنهادی
.
تمام نامه یازانلار عوض ائدوبلر رنگ
نفاق شهره سالیب سایه سین هویدادی
.
سفیر عشق گزیر کوفه ده غریبانه
دیلینده جاری فقط ذکر حی اعلادی
.
نه بیر پناه وئرن وار نه حالینی سوروشان
غریب کوفه غریق ِ غم وبلایادی
.
وئروبدی مسلمه یئر طوعه نام بیر عورت
که یعنی یوخ کیشی مردان شهر ادنادی
.
او ائوده صبحه کیمین ایلیوبدی راز ونیاز
که خلوت ائتماقا یاریله امن ماوادی
.
سحر زمانی ولی آیری منظره گورونوب
سالوبلا خانه نی حصره کمینده اعدادی
.
قیافه لرده نمایاندی شدت کینه
جنایت ائتماقا بئش یوز نفردی تعدادی
.
گوزل حماسه یارالدیبدی سیف هاشمیان
دفاتره یازیلوب موبه مو وار اسنادی
.
برابرینده دورا کیمده وار مگر جرات
فنون جنگیده کاملدی یوخدی ایرادی
.
مقابله گَلَه نین عمرینه وئرور پایان
هراسی یوخدی قوی پنجه دی توانادی
.
چکنده تیغینی روباهیلر ائدولله فرار
ئوزون ویرور صفه صولتده شیر هیجادی
.
گوروب عدو که مرامه بو طرزیله چاتماز
محالیدی اولا غالب حریفه بیجادی
.
کمنده شیری سالوبلار خلاصه مکریله
چکوبدی مجلس ابن زیاده صیادی
.
سلام وئرمدی مرجانه اوغلونا مسلم
سکوتیله اوجادیب عرشه صوت آزادی
.
اگر چه باغلیدی قولاری الده یوخ تیغی
گینه دوروب سوزی اوستونده بی مهابادی
.
اسارتینده شهامت یاغیر وجودیندن
ائدوب وقاریله تحقیر جمع افرادی
.
شمادته دیل آچوب غیظیله عبیدالله
پلید نیتی وار منطقینده گویادی
.
اهانت ائتدی حسینه او فاسق و بدفعل
دچار اولوب ابدی لعنه جد و آبادی
.
گلوب تموجه دریای غیرت و ایثار
اسیر یدور ولی نطق و بیانی غرادی
.
منیم آقام دئدی باب نجات امتدی
جهاندا شمس هدایتدی شانی والادی
.
گویون ملک لری بوسه ویرار قدملرینه
حسیندی عین حقیقت یزید رسوادی
.
همیشه ورد زبانیم منیم حسیندی حسین
حسین حبیب خدا یادگار طاهادی
.
اورکده بسلمیشم عشقینی ازل گوندن
بوعشقیله چاتا عمروم تمامه زیبادی
.
حسینچیم شرفیم عزتیم حسیندندی
مقدس آدینه قربان اولوم دل آرادی
.
یزید کیمدی مگر مسلمینه حاکم اولا
شرابخواریدی فسق وفجوره دارادی
.
یزیده بیعت الین کیم وئره دگیل عاقل
حسینه عاشق اولان کس بصیر وبینادی
.
هزار مرتبه دوغرانسام اولمارام تسلیم
محالیدی باش اگه ظلمه هاشم اولادی
.
وئریلدی قتلینه فرمان چیخاتدیلار بامه
نیام الده دوروب رحمسیزدی جلادی
.
سوسوز دوداقیله سسلندی یا حسین گلمه
دایان بو کوفه نین احوالی روح فرسادی
.
آتوبدی رسم وفانی بو قوم بد فطرت
بوشهرین اهلی سنون قتلیوه مهیادی
.
جدا باشندا گزر ظلمیله یارالی باشون
باجون دوزر نئجه بو محنته که عظمادی
.
گتورمه اکبریوی لیلینی چوله سالما
اماندی شبه نبی گلسه ارباً اربادی
.
ربابین اصغرینه بیر ایچیم سو وئرمزلر
مگر فرات آزالار بیروسیع دریادی
.
رقیه نین یوزونه اشقیا ویرار سیلی
دئمزله هیچ بو شیرین دیللی ماه سیمادی
.
گریز شعره قلم بیلمورم نیه تلسور
گلوب تکلمه گویا که وقت انشادی
.
ئولن زمانیده مسلم دییردی گلمه آقا
که نوکروندن حسین جان بو بیر تقاضادی
.
ولی دوشوب سو کنارینده بیر قوی سردار
گوزون تیکوبدی یولا انتظار مولادی
.
گیدوب فراته گتورسون بیر آز سو اخیامه
وئروب سو وعده سی قیزلاره چونکی سقادی
.
دگوبدی مشکیمه اوخ سو گئدوب خجالتدی
بدندن آیری دوشوب اللری مجزادی
.
یانا یانا دیوری سیدی هرایمه گل
باشیمی کسماقا اعدا ایچینده دعوادی
.
ئوزن یتور منه قارداش بو آخرین دمده
دوشوب قدملریوه جان وئرم گوارادی
.
خدا بلور سنه زحمت وئرم رضا دگلیم
باغیشلا نوکریوی امر، امرِ زهرادی
.
نلر چکوبدی آنام من بو قدری بیلمزدیم
عیان اولوب نظریمده شکسته اعضادی
.
خیال ایلمه یوخ شعره مشتری #فاتح
ریا قاریشماسا گر بیر نفیس کالادی
.
حسین مصیبتینی کیم یازا خلوصیله
جزاده شامل لطف خدای یکتادی

متن پیشنهادی:  ای شرافت یارادان معنی ایثاره حسین #حسینیه_بیدقداری

.
#مسلمیه
#چیخوب_سپهره_فغانیم_اورکده_غوغادی
#حسین_فتاحی
#ترکی
#زبدةالاشعار

یک نظر

  • عالی احسنت ولی زود گریز زدید زیادتو روضه خود حضرت مسلم .مانور ندادید .ولی حقا عالیه قبول باشه

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی